शनिबार, कार्तिक ८ २०७७ | Sat, October 24, 2020
नेपालको समय: २२:५१ | UK Time: 18:06

यूकेमा लिम्बु भाषामा वक्तित्वकला र हाजिरी जवाफ प्रतियोगिता

वीनेपाली
२०७३ चैत १५ गते २१:४८


लन्डन । यूकेमा रहेका लिम्बु महिलाहरुको प्रथम लिम्बु भाषा वक्तित्वकला तथा हाजिरी जवाफ प्रतियोगिता गत २६ मार्च २०१७ का दिन अल्डरसटको एम्पायर ब्याङक्वेट हलमा सम्पन्न भएको छ ।

किरात याक्थुङ चुम्लुङ यूके केन्द्रीय समिति अन्तर्गत महिला समितिले उक्त कार्यक्रम गरेको हो । हाजिरी जवाफमा लिम्बु खाना, लिम्बु पोसाक, लिम्बु गरगहना, लिम्बु मुन्धुम र लिम्बु इतिहास लगायत शिर्षकमा प्रश्न सोधिएको थियो ।

महिलाहरु मात्र प्रतिष्पर्धी रहेका उक्त प्रतियोगितामा किरात याक्थुङ चुम्लुङ ग्रेटर लण्डन शाखा प्रथम, वेजिङस्टोक शाखा दोस्रो र रशमोर शाखा तेस्रो भए । लिम्बु महिलाका ११ समूह प्रतिस्पर्धामा उत्रिएका थिए ।

दोस्रो चरणको वक्तित्वकला प्रतियोगितामा कोलचेष्टरबाट सानु लिम्बु प्रथम, अक्सफोर्डबाट जानु काम्बाङ दोस्रो र आसफोर्डबाट मनमाया नेम्बाङ तेस्रो भए । वक्तित्वकलामा १० प्रतिष्पर्धी सहभागी थिए ।

चुम्लुङ यूकेका अध्यक्ष काजीमान यक्सो, नेपाल आदिवासी जनजाति महासङ्घ यूकेका अध्यक्ष तुल छन्त्याल र डा. चन्द्र लक्सम्बाले संयुक्त रुपमा पानसमा बत्ति बालेर 
कार्यक्रम उद्घाटन गरेका थिए । सामूहिक च्याब्रुङ नृत्यबाट शुरु गरिएको कार्यक्रमका प्रश्नकर्ता एवं निर्णायक मण्डलमा गणेश इजम, विमला सेन, खुशी लिम्बु थिए ।

लिम्बु पहिरनमा भेला भएका महिलाहरुले हाजिरी जवाफ प्रतियोगिता, बक्तित्वकला प्रतियोगिता लगायत पुरै कार्यक्रम लिम्बु भाषामा गरेका थिए । यस्तो कार्यक्रम यूकेमा पहिलो हो । लिम्बु भाषा नेपालको चौंथो समृद्ध भाषा मानिन्छ र यसलाई किरात सिरिजङ्गा लिपीमा लेखिन्छ ।

चुम्लुङ महिला समितिकी अध्यक्ष युमा लिम्बुको सभापतित्वमा आयोजित कार्यक्रममा उपस्थित सबैलाई मनमाया लिम्बुले लिम्बु भाषामै स्वागत गरेकी थिइन् भने कार्यक्रम सञ्चालन महासचिव महेश्वरी नेम्बाङले गरेकी थिइन् ।

प्रतिक्रिया

सम्बन्धित सामाग्री

फेसबुक