जनसम्पर्क समितिको अधिवेशन गर्न निर्वाचन समिति गठन

लन्डन । नेपाली जनसम्पर्क समिति बेलायतको आसन्न एकता अधिवेशन नजिकिंदै गर्दा सो को तयारीबारे छलफल भएको छ । बिहीबार अधिवेशन आयोजक समितिको बैठक समितिका संयोजक लोक गुरुङको संयोजकत्वमा साउथ हयारोस्थित गोल्डेनसीप रेष्टुरेन्टमा भएको हो ।

बैठकमा संयोजक गुरुङसहित समितिका सदस्यहरु विनोद मोक्तान, चेतनाथ खनाल र विज्ञान प्रसाईं उपस्थित थिए ।

बैठकले आगामी २२ जुलाइमा अधिवेशन गर्न डा. सम्पूर्णानन्द ढुंगानाको संयोजकत्वमा विश्वआदर्श पण्डित, पुरुषोत्तम पौडेल, शेर सुनार, योगेन क्षेत्री, सूर्य तामाङ, केशव भण्डारी सदस्य रहने गरि ७ सदस्यीय निर्वाचन समिति गठन गरेको छ ।

त्यसैगरि, शिवजी श्रेष्ठको संयोजकत्वमा १९ सदस्यीय विधान समिति समेत गठन भएको छ । क्षेत्रीय सभापतिहरुसहितको उक्त विधान समिति, निर्वाचन समिति तथा तयारी समितिको संयुक्त बैठकले आगामी अधिवेशनमा मतदान सम्वन्धि व्यवस्था गर्ने निर्णय गरेको छ ।

साधारण सदस्यता ५ पाउण्डमा वितरण गर्ने र साधारण सदस्यहरुले कुन व्यवस्था अनुरुप मतदान गर्ने भन्ने निर्णय संयुक्त बैठकमा हुने जनाइएको छ ।

समितिले बेलायतस्थित समस्त कांग्रेसजनहरुलाई एकीकृत भइ आगामी अधिवेशनमा सहभागिता जनाउन आव्हान गरेको छ ।