एनआरएनए यूकेले मन्त्री र नेतासंग अन्तरक्रिया गर्दै

लन्डन । गैर आवासीय नेपाली संघ बेलायत (एनआरएनए यूके) ले हाल बेलायत भ्रमणमा रहेका उद्योगमन्त्री नवीन्द्रराज जोशी र माओवादी केन्द्रका वरिष्ठ नेता नारायणकाजी श्रेष्ठसंग एक अन्तरक्रिया गर्ने भएको छ । २३ मार्च बिहीबार सांझ ६ बजे अल्डरसटस्थित भेटघाट रेष्टुरेन्टमा कार्यक्रम तय गरिएको हो । यसअघि लन्डनमा कार्यक्रम गर्ने बताइएको थियो ।

संघका प्रवक्ता खुशी लिम्बुले नेपालको समसामयिक राजनीतिक अवस्था र एनआरएनहरुका लागि दोहोरो नागरिकता, लगानी अवसर लगायत विषयमा अन्तरक्रिया हुने जनाउंदै उपस्थितिका लागि सबैमा आग्रह गरेका छन् ।

मन्त्री जोशी लर्ड मेयरको निमन्त्रणा बेलायत आएका हुन् । उनले आज 
मंगलबार म्यान्सन हाउसमा ‘बेलायती व्यवसायीलाई नेपालको हाइड्रो क्षेत्रमा लगानीका अवसर’ बारे कार्यपत्र प्रस्तुत गर्ने कार्यक्रम छ ।

नेता श्रेष्ठ लन्डन हुंदै बेल्जियम कार्यक्रममा भाग लिइ पुनः लन्डन आएका हुन् ।