लन्डन । नेप्लिज ब्रिटिश कम्युनिटी यूकेले आफ्नो वार्षिक कार्यक्रमलाई निरन्तरता दिंदै सातौं स्थापना दिवसका अवसरमा रक्तदान कार्यक्रम गरेको छ । ग्रीनफोर्ड टाउनहलमा रक्तदान कार्यक्रम भएको हो ।
बेलायतमा केहि वर्ष यता विभिन्न सामाजिक र कल्याणकारी कार्यक्रम गर्न अग्रणी रहंदै आएको उक्त संस्थाले सोमबार गरेको रक्तदान कार्यक्रममा संस्थाका वर्तमान अध्यक्ष मिलन घिमिरे, निवर्तमान अध्यक्ष तथा सल्लाहकार कमलराज खनाल, सचिव चुरामणी रेग्मी, कोषाध्यक्ष ऋषि खनाल र सदस्यहरू समिरनाथ प्याकुरेल, वसन्त नेपाल, हरिभक्त न्यौपाने, भगवती रानाभाट, अन्जु सिग्देल, प्रभु न्यौपाने, कृष्ण शर्मा, होमनाथ पौडेल, देव गुरुङ सहित १३ जना संस्थाका सदस्य तथा शुभचिन्तकले रक्तदान गरेका थिए ।
सोही दिन रक्तदान कार्यक्रमपछि गोल्डनसिप रेष्टुरेन्टमा कार्यसमितिका सम्पूर्ण सदस्य र सल्लाहकारहरूको उपस्थितिमा अध्यक्ष मिलन घिमिरेको अध्यक्षतामा बसेको चौंथो कार्यसमितिको दोश्रो बैठकले रक्तदानमा भाग लिने र प्रत्यक्ष अप्रत्यक्ष सहयोग गर्ने सबैलाई धन्यवाद ज्ञापन गर्दै हरेक वर्ष रक्तदान कार्यक्रमलाई निरन्तरता दिने निर्णय गरेको छ । साथै संस्थाले नयां वर्ष २०७४ आगामी अप्रिल १५ शनिवार मनाउने निर्णय गरेको छ ।
