इयू अध्यक्षमा पुनः टस्क

ब्रसेल्स, २७ फागुन । आफ्नै देशको विरोधकाबीच युरोपेली सङ्घ (इयू) को अध्यक्षमा पोल्याण्डका पुर्वप्रधानमन्त्री तथा पूर्व इयू अध्यक्ष डोनाल्ड टस्क बिहीबार फेरी निर्वाचित हुनुभएको छ ।

जर्मनीको प्रभाव बढी भएको सङ्घमा यस्तो विवादकाबीच टस्क निर्वाचित हुनु इइूको समस्याकोे रुपमा हेरिएको छ । उहाँ साढे दुई बर्षका लागि अध्यक्षमा निर्वाचित हुनु भएको हो ।

इयुको अधिवेशनमा टस्कको पक्षमा २७ मत परेको थियो भने विपक्षमा उहाँको आफ्नै देशका बर्तमान् प्रधानमन्त्री बैटा सिडलोले मात्रै मत हाल्नु भएको थियो ।

निर्वाचनपछि पत्रकार सम्मेलन गरेर पोल्याण्डका प्रधानमन्त्री सिडलोले भन्नुभयो, “मैले यो अधिवेशनको निर्णयलाई स्विकार्न सक्दिन, त्यसैले यो अधिवेशन नै अवैध भएको छ ।”

आफ्नो देशले नै नस्विकारेको अवस्थामा यस्लाई निर्वाचित भएको मान्न नसकिने तर्क गर्दैै उहाँले थप्नुभयो, “यो निकै ठुलो समस्याको विषय हो र यसले सोभियत सङ्घपछिको इयू राज्य पोल्याण्डमा गहिरो विवाद निम्त्याउने छ ।”

मतदानपछि पोल्याण्डका विदेश मन्त्री विटोल्ड वाक्जसीकोवस्कीले पनि कडा टिप्पणी गर्नु भएको छ । “हामीलाई थाहा छ कि यो सङ्घ बर्लिनको नियन्त्रणमा रहेको छ, विषालु यस सङ्घले धेरै देशहरुलाई पनि नराम्रो असर गर्ने छ” उहाँले भन्नुभयो ।

प्रतिक्रिया

सम्बन्धित सामाग्री