सोमबार, असोज ५ २०७७ | Mon, September 21, 2020
नेपालको समय: २२:४२ | UK Time: 17:57

साताव्यापी महोत्सव तयारीमा लन्डनस्थित नेपाली दूतावास

वीनेपाली
२०७३ फागुन १५ गते १०:११

 

लन्डन । बेलायत नेपाल कुटनीतिक सम्वन्ध स्थापनाको दुई सय वर्ष गांठ समापनका अवसरमा साताव्यापी महोत्सव गर्न जुटेको छ लन्डनस्थित नेपाली दूतावास । १४ देखि २० मार्चसम्म दूतावास प्रांगणमा गर्न लागिएको महोत्सव सफल बनाउन अहिले दूतावासले बेलायतस्थित प्रमुख नेपाली संघसंस्थाका प्रतिनिधिहरुसंग छलफल गरिरहेको छ । दूतावासको नेतृत्वमा प्रमुख संस्थाहरुलाई विभिन्न कार्यक्रमको संयोजन गर्न जिम्मेवारी दिने सोच अनुरुप छलफलमा 
राजदूत डा. दुर्गाबहादुर सुवेदी, उपनियोग प्रमुख शरदराज आरण र कर्मचारीको व्यस्तता अहिले चुलिएको छ ।

बेलायत नेपाल सम्वन्धबारे अन्तरक्रिया गर्न नेपाल पत्रकार महासंघ, बेलायतलाई जिम्मा दिने तयारी छ । खाना, संगीत र साहित्यिक महोत्सव, पुस्तक प्रदर्शनी, फोटो प्रदर्शनी, भिजिट नेपाल युरोप २०१७ अभियान उद्घाटन, नेपाली हस्तकला प्रदर्शनी व्यापार एवं लगानी अन्तरक्रिया, १३ भिसीहरुको तस्विर अनावरण आदि महोत्सवका आकर्षण हुनेछन् । समारोहमा बेलायत र नेपालका वरिष्ठ अधिकारीहरुको सहभागिता रहने भएपनि नाम भने टुंगो लाग्न बांकी छ । दूतावासले कार्यक्रमको औपचारिक जानकारी छिट्टै दिने जनाएको छ ।

महोत्सवले बेलायत नेपाल सम्वन्ध अझ मजबुत हुने विश्वास दूतावासको छ ।

प्रतिक्रिया

सम्बन्धित सामाग्री

फेसबुक