बुधबार, कार्तिक ५ २०७७ | Wed, October 21, 2020
नेपालको समय: १०:५१ | UK Time: 06:06

अफगानिस्तानमा हिमपहिरोले ५४ को मृत्यु

वीनेपाली
२०७३ माघ २४ गते ०:५५

तस्विरः एएफपी

काबुल (अफगानिस्तान), २३ माघ । अफगानिस्तानको मध्य तथा उत्तरपूर्वी राज्यहरूमा व्यापक हिमबर्षापछि बढेको अधिक चिसो र हिमपहिरोका कारण पछिल्ला केही दिन यता भएका घटनामा ५४ जनाको मृत्यु भएको अफगानी अधिकारीले आइतबार बताएका छन् ।

मुलुकका उच्च पहाडी र हिमाली क्षेत्रमा उक्त समयमा बिशाल हिमबर्षा भएको र थुप्रै स्थानमा दर्जनौ मानिसहरू हिउमा फसेका यहाँको प्रशासनले जनाएको छ ।

वादखास्तान प्रान्तमा मात्रै दुई बालकबालिका, एक महिलासहित १८ जनाको हिम पहिरोमा परी मृत्यु भएको यहाँका प्रान्तीय प्रवक्ता नवीद फ्रोटानले बताउनुभएको थियो । उक्त क्षेत्रमा फसेका करिब ७० मानिसको उद्धारका लागि सरकारले व्यापक जनशक्ति परिचालित गरेको र केहीलाई भने मृत अवस्थामा आइतबार उद्धार गरिएको छ । सो क्षेत्रमा अझैपनि उद्धार कार्य जारी राखिएको छ ।

लगातारको हिमबर्षाका कारण अफगानिस्ताको राजधानी काबुलस्थित विमानस्थलमा अवतरण हुने र त्यहाँबाट बाहिरिने उडान सेवा पनि आइतबार पूरै प्रभावित वनेको विमानस्थलमा उडान रद्ध भएपछि अलपत्र यात्रुले बताए । हिउ र चिसोले अफगानिस्तानका अधिकांश क्षेत्रमा जनजीवन प्रभावित वनेको छ ।

हिम पहिरोले एक वस्तीका केही घरलाई पुरेको र घरका भग्नाबशेषभित्र दर्जनौ मानिस रहेको सूचनाका आधारमा उद्धार कार्र्य प्रभावकारी रुपमा भइरहेको प्रवक्ता नवीद फ्रोटानले बताउनुभयो ।

प्राप्त समाचार अनुसार प्रावन राज्यको सियागर्ड सुर्खपर्षा जिल्लामा पनि हिम पहिरोका कारण १६ जनाको मृत्यु भएको छ ।

त्यसैगरी अफगानिस्तानकै सारीपुलको बाल्खव क्षेत्रमा हिम पहिरोमा पाँच जनाको मृत्यु भएको छ । उक्त क्षेत्रमा हिम बर्षाका कारण सडक आवागमनमा समेत व्यापक समस्या भएको बताइएको छ ।

प्रतिक्रिया

सम्बन्धित सामाग्री

फेसबुक