शुक्रबार, कार्तिक १४ २०७७ | Fri, October 30, 2020
नेपालको समय: १६:५३ | UK Time: 11:08

लन्डनस्थित नेपालीको केयर होमलाई ‘दि क्वीन्स् अवार्ड २०१६’

वीनेपाली
२०७३ माघ २० गते २:२९

बेलायती महारानीका प्रतिनिधि लर्ड लेफ्टिनेन्ट डेभिड ब्रिग्स् (एमबीइ) बाट अवार्ड ग्रहण गर्दै होम इन्सटिडका प्रवन्ध निर्देशक एवं सिनियर केयर मार्टिन जोन्स (बायां)

लन्डन । वृद्धवृद्धाको हेरचाहमा समर्पित नेपालीद्वारा सञ्चालित लन्डनको एउटा केयर होमले क्वीन्स् अवार्ड प्राप्त गरेको छ । नेपाली व्यवसायी फत्त थापाद्वारा सञ्चालित ‘होम इन्सटिड’ ले इन्टरप्राइज -इनोभेसनका लागि ‘दि क्वीन्स् अवार्ड २०१६’ प्राप्त गरेको कम्पनीले जनाएको छ । झण्डै ५० वर्ष यता प्रदान गरिंदै आएको उक्त अवार्ड यूके बिजनेशभित्र प्रतिष्ठित मानिन्छ ।

एक भव्य समारोहबीच बेलायती महारानीका प्रतिनिधि लर्ड लेफ्टिनेन्ट डेभिड ब्रिग्स् (एमबीइ) ले होम इन्सटिडका प्रवन्ध निर्देशक एवं सिनियर केयर मार्टिन जोन्सलाई अवार्ड प्रदान गरेका थिए ।

लन्डन ग्रीनवीचमा अवस्थित उक्त केयर होमले ग्रीनवीच र बेक्स्लीका ६० जना वृद्धवृद्धाको हेरचाह र सेवा गर्दै आएको छ । साथै उसले ४० जनालाई रोजगारी दिएको छ ।

होम इन्सटिडका निर्देशक फत्त थापाले इन्टरप्राइज – इनोभेसनका लागि क्वीन्स् अवार्ड पाउने आफ्नो पहिलो होम केयर भएको जनाउंदै उक्त अवार्डले सेवा प्रदान गर्न थप जिम्मेवार बनाएको बताए ।

होम इन्सटिडका निर्देशक फत्त थापा

प्रतिक्रिया

सम्बन्धित सामाग्री

फेसबुक