शनिबार, कार्तिक १५ २०७७ | Sat, October 31, 2020
नेपालको समय: १३:०३ | UK Time: 07:18

आप्रवासी प्रवेश निषेधका बारेमा ट्रम्पले तीन देशका नेतासँग बार्ता गर्ने

वीनेपाली
२०७३ माघ १६ गते १२:५५

कार्यकारी आदेशमा हस्ताक्षर गरेपछि राष्ट्रपति ट्रम्प । तस्विरः एपी

वासिङटन, १६ माघ । अमेरिकाका राष्ट्रपति डोनाल्ड ट्रम्पले साउदी अरव र युएइका नेतासँग मुस्लीम आप्रवासीलाई अमेरिका प्रवेशमा रोक लगाइएको बारेमा टेलिफोन बार्ता गर्नुहुने भएको छ ।

केही देशका मुस्लीमलाई रोक लगाइएको विषयमा विश्वभरी होहल्ला हुन थालेपछि उहाँले रोक नलगाइएका मुस्लीम देशका नेतासँग आइतबार कुराकानी गर्न लाग्नुभएको हो ।

ट्रम्पले दक्षिण कोरियाका कार्यवहाक राष्ट्रपति ह्वाङ क्यो अहङसँग पनि कुराकानी गर्ने तयारी गर्नुभएको अमेरिकाको राष्ट्रपति कार्यालय ह्वाइट हाउसले जनाएको छ ।

ह्वाइट हाउसले निकालेको विज्ञप्तीमा उनी सबैसँग केही देशका आप्रवासी तथा शरणार्थीलाई अमेरिका प्रवेशमा रोक लगाउनुको कारण र यसले पार्ने असरका बारेमा छलफल हुने जनाइएको छ ।

यही जनवरी २० देखि अमेरिकाको राष्ट्रपतिको जिम्मेबारी लिनुभएका ट्रम्पले सबैभन्दा पहिला साउदी अरवका राजा सलामनसँग कुराकानी गर्नुहुने छ ।

त्यसपछि उहाँले युएइका अधिराजकुमार मोहम्मदबिन जयद अल नह्यानसँग टेलिफोन बार्ता गर्ने कार्यतालिका रहेको छ ।

अमेरिकाले प्रवेशमा रोक लगाएका देशमा साउदी अरव र युएइ कुनै देश पर्दैनन् । ट्रम्पले इरान, ईराक, लिविया, सोमालिया, सुडान, सिरिया र यमनका नागरिकलाई अमेरिका प्रवेशमा रोक लगाएको हो ।

प्रतिक्रिया

सम्बन्धित सामाग्री

फेसबुक