मोगादिसु होटल आक्रमणमा सातको मृत्यु

मोगादिसु, १२ माघ । मोगादिसुको प्रख्यात होटेलबाहिर बुधबार भएको दुई वटा कारबम आक्रमणमा परी कम्तीमा सात व्यक्तिको मृत्यु भएको छ ।

बदुन्कधारीहरुले होटेलको भवनभित्र जानका लागि बलपूर्वक गरेको कोशिसका क्रममा गोली प्रहार गरेको प्रहरी स्रोतले जानकारी दिएको छ ।

यस आक्रमणको अल कायदासँग आवद्ध साबाब आतङ्ककारी समूहले जिम्मा लिएको छ ।

सोमाली संसदनजिकै रेहेको दयाह होटेलको प्रवेशद्वारको एक कारमा रहेको विस्फोटक पदार्थ विस्फोटन गराइएको जनाइएको छ ।

आँधीको रुपमा आएका बन्दुकधारीहरुले होटेलको प्रवेशद्वारमा रहेको सुरक्षा गार्डहरुसँग दोहोरो गोली हानाहान गरेको प्रहरी अधिकारी इब्राहिम मोहमदले जानकारी दिएका छन् । लगत्तै दोस्रो कारबम विस्फोटन गराइएको बताइएको छ ।

यस आक्रमणमा मारिएका सबै सुरक्षा अधिकारी र सर्वसाधारण नागरिक रहेको र यस आक्रमणमा परी कैयौँ व्यक्ति घाइते भएको मोहमदले बताएका छन् ।

साबाब आतङ्ककारी समूहले एक विज्ञप्ति प्रकाशित गरी सो आक्रमण गराएको जानकारी दिएका छन् ।