एक लाख ८९ हजार दर्शकले हेरे पोखरा महोत्सव

युनाईटेड क्लबको आयोजनामा पोखराको अमरसिंहचौरमा सञ्चालित सातांै पोखरा महोत्सवको समापन कार्यक्रममा सहभागी वन तथा भू–संरक्षणमन्त्री शंकर भण्डारी लगायत अन्य अतिथिहरु । तस्बिर ः निमदत्त सुवेदी, रासस, पोखरा

पोखरा, १० माघ । युनाइटेड क्लब पोखराको आयोजनामा स्थानीय अमरसिंह चौरमा सञ्चालित सातौँ पोखरा महोत्सव एक लाख ८९ हजार दर्शकले अवलोकन गर्दै आज सम्पन्न भएको छ ।

गत पुस २९ गतेदेखि सुरु भएको सो महोत्सव प्रचारप्रसार समितिका संयोजक राजु श्रेष्ठले महोत्सवबाट भएको आम्दानीले ‘पोखरा उज्यालो अभियान’अन्तर्गत सौर्य बत्ती जडान, चिडियाखाना निर्माण, सेती नदी संरक्षण एवम् शिक्षा, स्वास्थ्य र खेलकुद क्षेत्रमा खर्च गरिने बताइएको छ ।

महोत्सव समापन समारोहमा वन तथा भूसंरक्षणमन्त्री शङ्कर भण्डारीले क्लबद्वारा आयोजित पोखरा तारा गायन प्रतियोगितामा प्रथम हुने शुभम् थापा मगरलाई रु ५० हजार र ट्रफीबाट सम्मान गर्दै तीन वटै निर्वाचन सम्पन्न भएपछि संविधान कार्यान्वयन हुने र मुलुक आर्थिक समृद्धिको बाटो तर्फ अग्रसर हुने बताउनुभयो ।

प्रतिक्रिया

सम्बन्धित सामाग्री