शनिबार, कार्तिक १५ २०७७ | Sat, October 31, 2020
नेपालको समय: १६:२८ | UK Time: 10:43

ट्रम्पद्वारा आफूविरुद्धको प्रदर्शनको आलोचना

वीनेपाली
२०७३ माघ ९ गते १७:२४

सानफ्रान्सिस्कोमा ट्रम्पविरुद्ध महिलाहरुको प्रदर्शन । तस्विरः एपी

वासिङटन, ९ माघ । अमेरिकाका राष्ट्रपति डोनाल्ड ट्रम्पले अमेरिकामा आफूविरुद्ध भएको प्रदर्शनको आलोचना गर्नुभएको छ ।

उहाँले आइतबार ट्वीटमार्फत् आफ्नो सपथग्रहणका बेला भएको प्रदर्शनको आलोचना गर्नुभएको हो ।

“मैले प्रदर्शनहरु हेरेँ, तर त्यसले मलाई यस्तो महसुस गरायो की, के अमेरिकामा निर्वाचन भएको थियो र ?” ट्रम्पले ट्वीट गर्नुभएको छ ।

उहाँले निर्वाचन नै नभई आफूले सपथग्रहण गरेको जस्तो प्रदर्शन भएको भन्दै घुमाउरो तरिकाले प्रदर्शनकारीको आलोचना गर्नुभएको हो ।

शनिबार अमेरिकाका विभिन्न ठाउँमा महिलाहरुको सक्रियतामा लाखौँ प्रदशर्नकारीले प्रदर्शन गरेका थिए ।

प्रतिक्रिया

सम्बन्धित सामाग्री

फेसबुक