आत्मघाती आक्रमणमा ८० भन्दा बढीको मृत्यु

 

बामाको, ५ माघ । उत्तरी माली अवस्थित एक सैनिक शिविर अगाडि बुधबार भएको आत्मघाती आक्रमणमा परी कम्तीमा ८० भन्दा बढी व्यक्तिको मृत्यु भएको छ ।

संयुक्त राष्ट्रसङ्घीय शान्ति सैनिक र स्थानीय अस्पताल स्रोतले उक्त जानकारी दिएको छ ।

सो शिविर माली उत्तरी प्रमुख सहर गाओमा अवस्थित रहेको जनाएको छ । सन् २०१५ मा फ्रान्सको नेतृत्वमा अरू राष्ट्रहरुको पनि आवद्धतामा विद्रोही समूह र सरकारबीच शान्ति सम्झौता भएको थियो ।

मालीका विद्रोही र इस्लामिक लडाकूहरुले सन् २०१२ बाट देशको उत्तरी भागको ठूलो इलाका कब्जा गर्दै आएका छन् । यस क्षेत्रको ठूलो इलाकामा अझै पनि जिहादी समुहको बलियो पकड रहेको छ ।

यस भीषण आक्रमणमा ८० व्यक्तिको मृत्यु भएको र तर अझै पनि यस घटनाको विस्तृत विवरण भने अझै प्राप्त नभएको गाओमा स्थानीय अधिकारीले पुष्टि गरेका छन् ।