शनिबार, कार्तिक १५ २०७७ | Sat, October 31, 2020
नेपालको समय: ०१:१५ | UK Time: 19:30

‘बाटो मुनिको फूल २’ बेलायतमा प्रदर्शन हुंदै

वीनेपाली
२०७३ पुष २१ गते १२:२०

15871949_1366708663361761_3907365028325712859_n
लन्डन । नेपाली चलचित्र ‘बाटो मुनिको फूल २’ बेलायतमा पनि प्रदर्शन हुने भएको छ । केही महिना अगाडि नेपालमा प्रदर्शन भएर दर्शक मन जित्न सफल उक्त चलचित्र यही शनिबार ७ जनवरीका दिन अल्डरसटस्थित एम्पायर हलमा प्रदर्शन गर्न लागिएको हो । सिता शेरचन र यम शेरचनको सहकार्यमा जेन मार्सल आर्टस्, अल्डरसटले च्यारिटी शो गर्न लागेको आयोजकले जनाएका छन् ।

नेपाली समाजमा आजसम्म पनि उन्मुलन हुन नसकेको विद्यमान जातीय विभेद चलचित्रमा छ । उपल्लो वर्ग र तल्लो वर्गको भनेर जातको नाममा समाजबाट अपहेलित हुनुपरेको यथार्थसहित साघुंरो मानसिकताबाट ग्रस्त समाजको तीतो वास्तविकतालाई यस चलचित्रमा देखाउन खोजिएको छ ।

यो ‘बाटो मुनिको फूल’ को सिक्वेल चलचित्र हो जसमा दिलीप रायमाझी, यश कुमार, बाबु बोगटी, रिचा शर्मा, रिमा विश्वकर्मा, अशिष्मा नकर्मी, अर्पन थापा लगायत भिम न्यैपानेको बेजोड अभिनय छ ।

विदेशी फिल्मको कत्ति गन्ध नआउने नेपाली सामाजिक फिल्म ‘बाटो मुनिको फूल २’ ले विशेष गरी सबै वर्गका दर्शक आकर्षित गरेको छ । प्रेम, मिलन, विछोड, पारिवारिक मनोरन्जन, सामाजिक द्वन्द्व अनि राजनीति जस्ता विषय उठान गरेको उक्त चलचित्रले नेपालमा सबै दर्शकको मन जित्न सफल भएको निर्माण पक्षको दावी छ ।

प्रतिक्रिया

सम्बन्धित सामाग्री

फेसबुक