बिहीबार, कार्तिक ६ २०७७ | Thu, October 22, 2020
नेपालको समय: १०:०६ | UK Time: 05:21

पटाका बजार विस्फोटमा मृत्यु हुनेको संख्या ३६ पुग्यो

वीनेपाली
२०७३ पुष १० गते १०:०९
तस्विरः रोयटर्स

तस्विरः रोयटर्स

मेक्सिको, १० पुस । मेक्सिकोको सवै भन्दा ठूलो पटाका बजारमा भएको विस्फोटमा परी मृत्युहुनेहरुको संख्या शनिबारसम्म ३६ पुगेको छ । ती मध्ये एक महिलाको शरिर ९० प्रतिशत जलेको छ ।

स्थानीय समयानुसार मङ्गलबार अपराह्न २ः५० बजे भएको विस्फोटमा परी २६ जनाको घटनास्थलमै मृत्यु भएको जनाइएको थियो । बाँकी १० जनाको उपचारको क्रममा अस्पतालमा मृत्यु भएपछि सो सङ्खया ३६ पुगेको अधिकारीहरले जानकारी दिएका छन् ।

घटनामा परी घाइते भएका मध्ये अरु ६० जनाको अवस्था पनि गम्भीर रहेको उनीहरुले बताएका छन् । घाइते भएका मध्ये २१ जना भने उपचारपछि घर फर्किएका छन् ।

नयाँ बर्ष मनाउनका लागि सामान किन्न उपभोक्ताहरुको अत्याधिक भिड लागेको बेला विस्फोट भएको बताइएको छ ।

नयाँबर्ष र क्रिसमसको अवसरमा ल्याटिन अमेरिकी धेरै देशहरुमा धेरै पटाका पड्काउने गरिन्छ ।

अग्नी नियन्त्रण दलमा सदस्यहरुको तीन घण्टासम्मको प्रयासपछि आगलागीलाई नियन्त्रणमा लिइएको बताइएको छ ।

प्रतिक्रिया

सम्बन्धित सामाग्री

फेसबुक