शनिबार, कार्तिक ८ २०७७ | Sat, October 24, 2020
नेपालको समय: ०८:५८ | UK Time: 04:13

सुडानमा कार्यरत दुई नेपालीसहित तीन राष्ट्रसङ्घ कर्मचारी अपहरणमुक्त

वीनेपाली
२०७३ पुष ६ गते १:३३

suda-mmap-md

जेनेभा (स्वीट्जरल्यान्ड), ५ पुस । संयुक्त राष्ट्रसङ्घको शरणार्थीसम्बन्धी संस्था (यूएनएचसीआर) का एक महिना पहिले सुडानबाट अपहरणमा परेका दुई नेपालीसहित तीन कर्मचारी रिहा भएको संयुक्त राष्ट्रसङ्घले मङगलबार जनाएको छ ।

राष्ट्रसङ्घका यी तीनैजना कर्मचारीलाई सुडानको द्वन्द्वग्रस्त डाफर क्षेत्रबाट एक सशस्त्र समूहले गत नोभेम्बर २७ गते डाफर प्रान्तको राजधानी एल जेनैनाबाट अपहरणमा परेका थिए ।

राष्ट्रसङ्घका शरणार्थी मामिला प्रमुख फिलिप्पो ग्रान्डीले एक महिना पहिले अपहरणमा परेका शरणार्थी नियोगमा कार्यरत दुई जना नेपाली नागरिक सरुन प्रधान र रमेश कार्की र एक सुडानी नागरिक मुसा ओमर मुसा मोहमद रिहा गरिएको बिहीबार एक विज्ञप्ति जारी गरी जनाउनुभएको छ ।

उहाँले आफ्नो कर्मचारीको रिहाइको पहलका लागि सुडानी सरकार र सुरक्षाकर्मीप्रति आभार व्यक्त गरेको छ ।

राष्ट्रसङ्घले अपहरण मुक्त उनीहरुका बारेमा यसभन्दा बढी विस्तृत जानकारी उपलब्ध गराएको छैन ।

तत्काल यस समयमा हाम्रा सहकर्मीको स्वास्थ्य र हितका लागि र उनीहरुका प्रियजनको हितका लागि ध्यान केन्द्रित गरिने यूएनएचसीआरका प्रवक्ता एड्रिएन एडवार्डसले सञ्चारकर्मीसँग बताउनुभयो ।

सम्भव भएसम्म सबै कार्य उनीहरुको रेखदेखको वातावरण सिर्जना गर्न यूएनएचसीआर लागिपरेको एडवार्डले बताउनुभयो ।

यूएनएचसीआरका कर्मचारीहरु विश्वभर अति नै कठिन परिस्थितिकाबीच आफ्ना परिवारबाट लामो समयसम्म टाढा रहेर समस्यामा परेको मानिसको सेवामा दत्तचित्त रहने गर्छन, उहाँले भन्नुभयो ।

अरू मानवीय सहयोग गर्ने व्यक्तिलाई जस्तो उनीहरुलाई अपहरणको खतरा, हिंसा र धम्की आउन नहुने प्रवक्ता एडवार्डले बताउनुभयो ।

एडवार्डले आफ्नो सङ्गठनद्वारा सुडानमा दिइँदै आएको सेवालाई आगामी दिनमा समेत निरन्तरता दिने प्रतिवद्धता समेत व्यक्त गर्नुभयोे ।

पछिल्ला केही वर्षमा सुडानमा मानवीय सहयोगमा खटिएका कैयौँ स्वदेशी तथा विदेशीलाई अपहरण गर्ने गरेका पाइएको छ ।

सन् २००३ मा डाफर प्रान्तमा भड्किएको द्वन्द्वपछि करिब तीन लाख मानिस यस क्षेत्रमा मारिएका र २५ लाखभन्दा बढी मानिस विस्थापित भएको संयुक्त राष्ट्रसङ्घको तथ्याङ्क छ ।

प्रतिक्रिया

सम्बन्धित सामाग्री

फेसबुक