लन्डन । जर्मनीको बर्लिनस्थित व्यस्त क्रिसमस मार्केटमा लरी
कुंदाएर सोमबार ९ जनाको हत्या गरिएको छ । घट्नामा ५० बढि घाइते भएका अन्तर्राष्ट्रिय सञ्चारमाध्यमले जनाएका छन् । घट्ना केन्द्रिय चार्लोटनबर्ग जिल्लास्थित ब्रेइटसचिडप्लाजमा भएको हो ।
प्रहरीले एक जनालाई लरी चालकको आशंकामा पक्राउ गरेको छ भने सह चालक पोलिस नागरिक दुर्घटनामा मारिएका छन् । प्रहरीले उक्त घट्ना आकष्मिक थियो वा नियोजित भनेर अनुसन्धान गरिरहेको छ । उक्त लरी (ट्रक) पोलिस कम्पनीको भएको र त्यसलाई चोरेर ल्याइएको मिडिया रिपोर्टले जनाएका छन् ।
जर्मनीका गृहमन्त्री थोमस मेइजिरले घट्नालाई जानी जानी गराइएको टिप्पणी गरेका छन् । घट्नाको विश्वभरबाट निन्दा भएको छ । अमेरिकी राष्ट्रपति डोनाल्ड ट्रम्पले घट्नालाई आतंककारी आक्रमण भनेका छन् । फ्रान्सेली राष्ट्रपति फ्रान्सिस ओलन्डले जर्मन चान्सलर मर्केललाई एक शोक सन्देश पठाउंदै आफ्नो ऐक्यवद्धता र सहानुभूति प्रकट गरेका छन् ।
