साधाबाटोल्नी (पाकिस्तान), १३ मङ्सिर । उत्तरी पाकिस्तानको पहाडी इलाकामा बुधबार भएको विमान दुर्घटनामा परेकाहरुको परिचय खुलाउन डिएनए परिक्षण गरिने अधिकारीहरुले जानकारी दिएका छन् । विमान सेवाको इतिहासमा नै अति खराव प्रकृतिको यो दुर्घटनाले देशलाई शोकमा डुबाएको छ ।
उत्तरी क्षेत्रमा भएको दुर्घटनालाई पाकिस्तानको उडान इतिहासकै अत्याधिक दुःख घटनाको रुपमा लिइएको अधिकारीहरुले बिहीबार बताएका छन् ।
पाकिस्तान अन्तर्राष्ट्रिय एयरलाइन्स (पीआईए) को एउटा विमान यन्त्रले काम गर्न छाडेपछि दुर्घटनामा परेको हो । विमानमा चालक दलका ७ जना सहित ४७ यात्रु रहेका थिए ।
पाकिस्तानको उत्तरपश्चिमी चित्राल जिल्लाबाट राजधानीतर्फ गइरहेका बेला विमान दुर्घटना भएको अधिकारीहरुले बताएका छन् ।
“डिएनए परिक्षण गर्न ती शवहरु हेलिकप्टरमा घटनास्थलबाट इस्लामाबाद ल्याइएने छ,” स्थानीय अयुब मेडिकल कम्प्लेक्सका मोहम्मद अब्बासले भन्नुभयो ।
उहाँले थप स्पष्ट पार्दै जानकारी दिनुभयो, “ शव सबै क्षतविक्षत अवस्थामा छन् ।”
शवहरु जलेर महिला पुरुष छुट्याउन सक्ने अवस्थामा नहरेको एक स्थानीय बासिन्दाले जानकारी दिएका छन् ।
घटनास्थलमा रातभरी सयौं स्थानीय बासिन्दा उद्धारका लागि सक्रिय भएका थिए ।
स्थानीय समयअनुसार बुधबार दिउसो ३ः३८ बजे उडेको विमान ४ः२० बजे विमानस्थलको कन्ट्रोल टावरबाट सम्पर्कबिहीन भएको अधिकारीहरुले बताएका छन् ।
