मंगलबार, कार्तिक ११ २०७७ | Tue, October 27, 2020
नेपालको समय: २१:४८ | UK Time: 16:03

इन्डोनेसियाको भूकम्पमा कम्तीमा ९७ को मृत्यु

वीनेपाली
२०७३ मंसिर २२ गते ११:०५

Indonesia Earthquake

जाकार्ता २२ मङ्सिर । पश्चिमी इन्डोनेसियाको आचे प्रान्तमा बुधबार आएको शक्तिशाली भूकम्पमा कम्तीमा ९७ व्यक्तिको मृत्यु भएको छ ।

यस भूकम्पमा परी अन्य १९० जना घाइते भएका छन् । भूकम्प ६.४ रिक्टर स्केलको मापन गरिएको र भीषण क्षति भएको इनडोनेसियाली प्रकोप नियन्त्रण निकायका अधिकारीले जानकारी दिएका छन् ।

यस शक्तिशाली भूकम्पको कारण सयौं घरहरुलगायत आधारभूत संरचनाहरु ध्वस्त भएको प्रान्तीय प्रकोप नियन्त्रण निकायका सङ्कटकालीन समूहका प्रेस अधिकृत हेनी नुरमाइनीले टेलिफोनमार्फत सिन्ह्वा समाचार समितिलाई जानकारी दिएकी छिन् ।

यस भूकम्पबाट अत्यन्तै प्रभावित भएको पिडाइ जया जिल्लामा मानवीय र सम्पत्तिको ठूलो क्षति भएको अधिकारीहरुले जानकारी दिएका छन् ।

भूकम्प प्रभावित क्षेत्रमा उद्धारकार्य जारी रहेको हेनीले जानकारी दिएकी छिन् । भूकम्पले अत्यन्त प्रभावित जिल्ला पिडाइ जयामा भत्किएका भवन भग्नावशेषमा दर्जनौ व्यक्ति फसेका बताइएको छ ।

प्रतिक्रिया

सम्बन्धित सामाग्री

फेसबुक