फिडेल क्यास्ट्रोको भावपूर्ण बिदाइसहित अन्त्येष्टि

हभावना, १४ मङ्सिर । क्युवा क्रान्तिका सर्वोच्च नेता तथा पूर्वराष्ट्रपति फिडेल क्याष्ट्रोकोे सोमबार भावपूर्ण श्रद्धाञ्जलि सहित अन्त्येष्टि गरिएको छ ।

उहाँका भाइ तथा राष्ट्रपति राहुल क्याष्ट्रो, कम्युनिष्ट पार्टीका शीर्ष नेता र सरकारी उच्च अधिकारीहरुले उहाँलाई भावपूर्ण श्रद्धाञ्जलि अर्पण गर्नुभएको राज्य नियन्त्रित टेलिभिजनले जनाएको छ ।

उहाँको अन्त्येष्टिका बेला क्युवाको सेनाले उहाँको फोटो अगाडी राखेर एक मिनेट मौनधारण सहित उहाँप्रति श्रद्धाञ्जलि व्यक्त गरेको थियो ।

अन्त्येष्टि समारोहमा उहाँका भाइ तथा राष्ट्रपति क्याष्ट्रोले उहाँलाई सेतो गुलाफ चढाउनुभएको थियो भने चर्चित लडाकू कमान्डर रमिरो भल्डेस र गुइलेर्मो गर्सियाले पनि सर्वोच्च नेतालाई श्रद्धाञ्जलि सहित बिदाइ गर्नुभएको छ ।

फिडेलका भक्त तथा अनुयायी राहुलले सन् २००० देखि राष्ट्रपति पदको जिम्मेबारी लिनुभएको थियो ।

सर्वोच्च नेता क्याष्ट्रोको गत शुक्रबार ९० वर्षको उमेरमा निधन भएको हो । उहाँको अन्तिम बिदाइका लागि हजारौँ क्युबाली जनता सोमबार प्रमुख स्थानमा भेला भएका थिए । उनीहरुले उहाँलाई समाजवादी सिद्धान्तका अथक योद्धाका रुपमा स्मरण गरेका छन् ।