शुक्रबार, असोज २ २०७७ | Fri, September 18, 2020
नेपालको समय: १५:५५ | UK Time: 11:10

हाइली स्किल्डले भेटे डा. भट्टराईलाई

वीनेपाली
२०७३ मंसिर २ गते २१:२२

tp

लण्डन । सोसाइटी अफ नेपलिज हाइली स्किल्ड प्रोफेसनल्स युकेको प्रतिनिधिमण्डलले बेलायत भ्रमणमा आएका पूर्व प्रधानमन्त्री डा. बाबुराम भट्टराईसित भेट गरेको छ ।
नेपाली दुताबास लण्डनमा भएको सो भेटमा सोसाइटीका अध्यक्ष डा. तेजेन्द्र फेरालीले सोसाइटी र यसका उद्देश्यका बारेमा जानकारी गराएका थिए ।
डा. भट्टराईले सोसाइटीको प्रशंसा गर्दै नेपाली प्रोफेसनल्सहरुलाई नेपाल फर्कन देशको पुनर्निर्माणमा सहभागी हुन आग्रह गरे । उनले आफू र आफ्नो पार्टी विदेशमा रहेका नेपाली प्रोफेसनल्सहरुको अनुभव र ज्ञानलाई देश भित्र्याउने वातावरण बनाउन प्रतिवद्ध रहेको बताए ।
सोसाइटीका अध्यक्ष फेरालीले विदेशमा रहेका प्रोफेसनल्सहरुलाई देश फर्काउन नीति र संयन्त्र आवश्यक भएको बताए । उनीहरुको नागरिकता कायम रहनदिनु त्यसको एक पाटो भएको उनले स्मरण गराए । प्रोफेसनल्सहरुले नेपाल नफर्के पनि सरकारी संयन्त्र बनाइएमा विदेशबाटै देशका निमित्त योगदान दिनसक्ने उनले बताए ।
भेटमा सोसाइटीका पूर्व अध्यक्ष नारायण भट्टराईको पनि उपस्थिति थियो ।

प्रतिक्रिया

सम्बन्धित सामाग्री

फेसबुक