शुक्रबार, कार्तिक १४ २०७७ | Fri, October 30, 2020
नेपालको समय: १६:४९ | UK Time: 11:04

‘यूके डान्स अफ’ को भयो अडिसन

वीनेपाली
२०७३ कार्तिक २८ गते ०:५३

15032254_1349457938406499_6046263653952111089_n
लन्डन । २७ नोभेम्बर सांझ बेलायतमा हुन लागेको नृत्य प्रतियोगिता ‘यूके डान्स अफ’ मा सहभागी हुन इच्छुकहरुको अडिसन शनिबार सम्पन्न भएको छ । प्रिन्सेस हल अल्डरसटमा आयोजित अडिसनमा एकल र समूहगत गरि दर्जन बढि सहभागी भएको प्रतियोगिता आयोजक सपन इन्टरटेन्मेन्ट लिमिटेडले जानकारी दिएको छ । अडिसनमा बेलायतमा बन्न लागेको ह्याप्पी डेज नामक फिल्मका निर्देशक मिलन चाम्स, कलाकार सन्जय गुप्ता र चर्चित कोरियोग्राफर रिनासा राई निर्णायक थिए । उनीहरुले नाच प्रस्तुत गरेका प्रतिभाहरुको नाच हेरेर विभिन्न सुझाव दिए । अडिसनमा सहभागी मध्येबाट छिट्टै प्रतिष्पर्धाका लागि छनोट गरिने जनाइएको छ ।

सहभागी मध्ये केही व्यवसायिक डान्सर सरह सक्षम भएकाले उनीहरुलाई ह्याप्पी डेजमा समेत खेलाउन सकिने सपन इन्टरटेन्मेन्ट लिमिटेडका प्रवन्ध निर्देशक सपन राईले बताए । राई निर्माणाधिन ह्याप्पी डेज फिल्ममा आवद्ध छन् । उक्त नाच प्रतियोगिता ह्याप्पी डेज फिल्म युनिटको सहयोगमा हुन लागेको हो ।

बेलायतमा पहिलो पटक आकर्षक पुरस्कार राखेर उक्त नाच प्रतियोगिता गर्न लागिएको हो । यसमा प्रथम हुनेले १२ सय पाउण्ड, दोश्रो हुनेले ८ सय पाउण्ड र तेश्रो हुनेले ५ सय पाउण्ड पुरस्कार र प्रमाणपत्र पाउने आयोजकले जनाएका छन् ।

अन्तिम प्रतिष्पर्धा सामुयल कोडी स्पोर्टस सेन्टर, फार्नबोरोमा हुने र फिनालेमा नेपालका लोकप्रिय नायक नायिका प्रियंका कार्की र दयाहाङ 
राईको समेत सहभागी हुने अपेक्षा छ ।

15034036_10154678513411197_137400655_o

प्रतिक्रिया

सम्बन्धित सामाग्री

फेसबुक