काठमाडौँ, २७ भदौ । राष्ट्रपति विद्यादेवी भण्डारीले व्यवस्थापिका–संसद्का विभिन्न मितिको बैठकबाट पारित भई प्रमाणीकरणका लागि पेस हुन आएका विभिन्न विधेयक नेपालको संविधानको धारा ११३ को उपधारा (२) बमोजिम आज प्रमाणीकरण गर्नुभएको छ ।
राष्ट्रपति भण्डारीले सर्वोच्च अदालत ऐन, २०४८ (पहिलो संशोधन) विधेयक, २०७३, न्याय परिषद्को काम, कर्तव्य र अधिकारसम्बन्धी कानुनलाई संशोधन र एकीकरण गर्न बनेको विधेयक, २०७३, न्याय सेवा आयोगको काम, कर्तव्य र अधिकारका सम्बन्धमा संशोधन र एकीकरण गर्न बनेको विधेयक, २०७३ र न्याय प्रशासनसम्बन्धी कानुनलाई संशोधन र एकीकरण गर्न बनेको विधेयक, २०७३ लाई प्रमाणीकरण गर्नुभएको राष्ट्रपति कार्यालयले जनाएको छ ।
