ब्रिटिश भेट्रानहरुले गोर्खा आन्दोलनमा साथ दिने

तस्वीर गोरखा जस्टिस क्याम्पेन

तस्वीर गोरखा जस्टिस क्याम्पेन

लन्डन । ब्रिटिश भेट्रानहरुले भूपू गोर्खा आन्दोलनमा साथ दिने भएका छन् । 
आफ्नो समान हक अधिकारका लागि अब निर्णायक आन्दोलन गर्ने जनाउंदै आएका भूपू गोर्खाहरुलाई साथ दिंदै ब्रिटिश भेट्रानहरुले आगामी २५ मार्चका दिन बेलायती प्रधानमन्त्रीलाई ज्ञापन पत्र बुझाउने कार्यक्रम राखेका छन् ।

गोर्खा सत्याग्रह संयुक्त संघर्ष समितिले उक्त दिन बेलायती रक्षा मन्त्रालय (एमओडी) भवन पछाडि बिहान १०.४५ बजे उपस्थित भई कार्यक्रम अझ सशक्त र सफल बनाइदिन आग्रह गरेको छ ।

गोर्खा सत्याग्रह संयुक्त संघर्ष समिति बेलायत÷नेपालका कार्यवहाक 
संयोजक सूर्य नेम्बाङले ब्रिटिस भेट्रानहरु आफ्ना समकक्षी गोर्खाहरुको समानता, न्याय र अधिकारका लागि अग्रसर भइरहंदा गोर्खाहरुले समेत त्यसमा साथ दिन जरुरी रहेको औंल्याए ।

समितिका निर्देशक ज्ञानराज राईले बेलायत सरकारले २४ अप्रिलसम्म आफ्ना मागबारे केही ‘रेस्पोन्स’ नगरे त्यसैदिन देखि आमरण अनसन थालिने र भावी संघर्षका कार्यक्रममा ब्रिटिश भेट्रानहरुले पनि साथ दिने वचन दिएको जनाएका छन् ।

समितिका संयोजक कृष्ण राई नेतृत्वको एउटा टोली अहिले नेपालमा आन्दोलनबारे सरकारी अधिकारीहरुलाई जानकारी दिन व्यस्त छ । टोलीले कानुन तथा न्याय मन्त्री अग्नी खरेलसंग बुधवार छलफल गरेको समितिले जनाएको छ ।

प्रतिक्रिया

सम्बन्धित सामाग्री