संविधान संशोधन मान्य छैन ः अध्यक्ष यादव

विराटनगर, १२ माघ । सङ्घीय समाजवादी फोरम नेपालका अध्यक्ष उपेन्द्र यादवले एकतर्फीरुपमा गरिएको संविधान संशोधन मान्य नहुने बताएका छन् ।

विराटनगरमा आज आयोजित पत्रकार सम्मेलनमा उनले मधेसी मोर्चाका माग पूरा नभएसम्म आन्दोलन जारी रहने बताए ।

अध्यक्ष यादवले आन्दोलनलाई अझ सशक्त बनाउन सङ्घीयता पक्षधरसँग मिलेर बृहत् मोर्चा बनाउने पनि बताए ।

उनले सरकार वार्तालाई सफल बनाउनका लागि गम्भीर नभएको उल्लेख गर्दै सरकारले कालोबजारीलाई प्रोत्साहन गरिरहेको आरोप लगाएका छन् ।