
कोइरालाद्वारा नेपाली फुटबल टोलीलाई बधाई

बंगबन्धु गोल्डकप फुटवलको उपाधि सहित स्वदेश फर्किएका खेलाडीहरु लाई त्रिभुवन विमानस्थलमा स्वागत गर्न आएका खेल प्रमीहरु विजयको नारा लगाउदै। तस्बिर ः प्रदीपराज वन्त,रासस
काठमाडौँ, ९ माघ । नेपाली काँग्रेसका सभापति सुशील कोइरालाले बङ्गलादेशमा शुक्रबार सम्पन्न बङ्गबन्धु गोल्डकपमा नेपाली राष्ट्रिय टोलीले ऐतिहासिक जित हासिल गरेकामा बधाई दिनुभएको छ ।
उहाँले आज विज्ञप्ति जारी गरी बहराइनको यु–२३ टिमलाई ३–० को जित हासिल गरेर नेपाली टोलीले सफलता प्राप्त गरेकामा खुसी व्यक्त गर्दै बधाई ज्ञापन गर्नुभएको हो । सभापति कोइरालाले खेल प्रशिक्षकलाई पनि धन्यवाद प्रकट गर्नाका साथै अन्तर्राष्ट्रिय फुटबलमा प्राप्त यो सफलताप्रति आफू र आफ्नो पार्टीको तर्फबाट बधाई दिनुभएको विज्ञप्तिमा उल्लेख छ ।
उहाँले आगामी दिनमा पनि फूटबलको प्रगति र प्रवद्र्धन हुने आशा व्यक्त गर्दै आफ्नातर्फबाट सक्दो सहयोग गर्ने प्रतिबद्धता व्यक्त गर्नुभएको छ ।
प्रतिक्रिया

सम्बन्धित सामाग्री
- नयाँ भाइरस तीव्र गतिमा फैलिएपछि लण्डन, पूर्वी र दक्षिण पूर्वी इंग्ल्याण्ड टियर ४ मा
- बेलायतमा काम गर्न चाहने विदेशी नागरिकका लागि मङ्गलबारदेखि भिसा आवेदन खुला
- बेलायत सरकारद्वारा गोरखा भूपू सैनिकका लागि नयाँ पेन्सनको प्रस्तावमाथि सुझाव माग
- कोरोना खोपको पहिलो डोज लिएका पुडासैनीलाई कोरोना संक्रमण
- ‘बेलायतमा वर्क पर्मिट खुल्यो भनेर हल्लाको पछि नलागी बुझेर मात्र आउनुहोस्’ : सोलिसिटर दिपक भट्टराई