पेरिस आक्रमणमा मृत्यु भएका करिब ३० जनाको शव अझै पहिचान हुन सकेन

उक्त घटनामा मृत्यु भएकामध्ये १०३ जनाको शव पहिचान भए पनि २०–३० जनाको शव पहिचान नभएको भल्जले फ्रान्सको इकोले मिलिटिएरमा स्थापना गरिएको सूचना केन्द्रमा उपस्थित भई आक्रमणमा परेका नागरिकका आफन्तसँगको कुराकानीमा बताउनुभयो ।

घटनामा १२९ जनाको मृत्यु भएको प्रधानमन्त्रीले जानकारी दिँदै भन्नुभयो, बाँकी अन्य शवको पनि केही घण्टाभित्रै पहिचान हुनेछ ।

पीडित परिवारसँगको भेटमा प्रधानमन्त्री भल्जले भन्नुभयो, पेरिस आक्रमण कोही पनि नागरिकको कल्पनाभन्दा बाहिर भएको र घटनाबाट पीडित भएका परिवारलाई कुनै मनोचिकित्सक, सामाजिक स्वयम्सेवक तथा डाक्टरबाट सान्त्वना दिनु असम्भव छ ।

यद्यपि उनीहरुलाई पक्रियाद्वारा सहयोग गर्नुपर्छ । यसका लागि सरकार सम्पूर्ण प्रशासनिक संयन्त्रको प्रयोग गर्दै मृतकको शवको पहिचान तथा घाइतेलाई उपचार तथा अन्य सहयोग गर्ने प्रतिबद्धता उहाँले जनाउनुभयो ।