मंगलबार, असोज ६ २०७७ | Tue, September 22, 2020
नेपालको समय: १९:१३ | UK Time: 14:28

मधेशी, थारुमाथि दमन भन्दै बेलायती प्रधानमन्त्रीको ध्यानाकर्षण

वीनेपाली
२०७२ असोज १ गते १३:५५

11836825_699210760213389_8516499605686185470_n
लन्डन । एसोसिएसन अफ नेपलिज मधेशीज् इन दि यूकेले नेपालमा मधेशी र थारु समुदायमाथि चरम अत्याचार, दमन र मानवअधिकार हनन भइरहेको जनाउंदै अन्तर्राष्टिय समुदायसमक्ष ध्यानाकर्षण गराएको छ ।

लन्डनस्थित नेपाली दूतावासमा एक ज्ञापनपत्र बुझाउंदै एसोसिएसनले निर्दोस मधेशी र थारुहरुको आधारभूत मानवअधिकार समेत ख्याल नगरि दमन गरिएको दावी गरेको हो । एसोसिएसनले उक्त ज्ञापन बेलायती प्रधानमन्त्री, मानवअधिकार संगठन र अन्य अन्तर्राष्टिय संघसंस्था एवं कुटनीतिज्ञहरुलाई समेत दिइएको जनाएको छ ।

उता, सर्वोच्च अदालतले घातक हतियार प्रयोग नगर्न अन्तरिम आदेश दिंदा समेत नेपाल सरकारले दमन गरिरहेको भन्दै त्यस अत्याचार विरुद्ध एसोसिएसनले बिहीबार बेलायती संसद अगाडि प्रदर्शन गरेको जनाएको छ । एसोसिएसनका सचिव पुष्कर पटेलले शुक्रवार एक विज्ञप्तिमार्फत एसोसिएसनले शान्तिपूर्ण प्रदर्शन गर्न पाउने मधेशी र थारु समुदायको वाक स्वतन्त्रता र मानवअधिकार विपरित सरकारको अन्याय विरुद्ध जारी आन्दोलनमा पूर्ण साथ दिने समेत जनाएको छ ।

प्रतिक्रिया

सम्बन्धित सामाग्री

फेसबुक