ग्रीस युरो समूहबाट बाहिर नजाने

म्याड्रिड, २८ असार । स्पेनका प्रधानमन्त्री म्यारियानो रजोइले ग्रीस र युरो समूह राष्ट्रबीचको ऋण दाता सम्बन्धमा चुलिएको विवादलाई मध्यनजर गर्दै सोमबार सन्तुलित समजदारी सर्त प्रस्ताव गरेका छन् ।

स्पेनको यो सर्तले युरो समूहका सदस्य राष्ट्र वा ग्रीसका ऋण दाताबीच भएको विवाद समाधान गर्न मध्यस्थ भूमिका खेलेकोे र ग्रीसको अर्थतन्त्रलाई उकास्नु साथै युरो क्षेत्रलाई मजबुत बनाउने रजाईको विश्वास छ ।

‘मलाई लाग्छ यो सन्तुलित सर्त थियो,’ एथेन्सको आर्थिक विवादमा कडा विचार प्रस्तुत गर्नु हुने मध्येका एक स्पेनी प्रधानमन्त्रीले पत्रकारसँग भनेका छन् । ‘मुख्य कुरा के हो भने सबैले आ–आफ्नो भूमिका निभाउनुपर्छ र वचनबद्धता पूरा गर्नु पर्छ,’ उनले थपे ।

यसैबीच इटालीका प्रधानमन्त्री माटेओ रेन्जीले सोमबार युरोपेली युनियनको तेस्रो ग्रीक जमानत सम्बन्धमा भएको सम्झौता महत्वपूर्ण भएको भन्दै यसबाट दुवै पक्षको हित हुने बताएको चिनियाँ समाचार एजेन्सी सिन्ह्वाले जनाएको छ । यसमा कसैको जित अथवा कसैलाई कम आङ्कलन नगरिएको ब्रसेल्समा भएको पत्रकार सम्मेलनमा रेन्जीले बताए ।

‘हामीबीच आज राति भएको सहमति महत्वपूर्ण भए पनि छलफलका क्रममा यहाँसम्म पुगिन्छ होला भन्ने कमै मात्र आशा थियो । किनभने यो जटिल विषय थियो,’ उनले पत्रकारसँग भने । यसअघि सोमबार बिहानै युरोपेली आयोगका अध्यक्ष डोनाल्ड टस्कले एथेन्ससँग युरो समूहका राष्ट्रबीच भएको सहमति सर्वसम्मत भएको जनाएका थिए ।

ग्रीसले स्वायत्तताको बाटो रोजेको थियो । जनमत सङ्ग्रह प्रजातान्त्रिक सिद्धान्तअनुसार सम्मानजक छनौट थियो तर ग्रीक नागरिकका लागि उत्तिकै खतरनाक पनि हुन सक्थ्यो । यो समग्रमा ‘गलत’ थियो किनकी यो युरो समूह सदस्यबीच सल्लाह नभई आएको ग्रीसको निर्णय थियो ।

गए रातीको सहमति सबैको योगदानबाट सम्भव भएको छ । ग्रीक युरो समूहबाट बाहिरिनबाट जोगिएको छ भने यसका सदस्य राष्ट्रहरूले आफ्नो साझेदार सदस्यलाई समेट्न सफल भएको रेन्जीले जनाए ।