व्यवसायी भट्टराईले भूकम्प पीडितलाई ५० लाख रुपैयां दिने

 

लन्डन । लन्डनका एकजना नेपाली व्यवसायी मिलन भट्टराईले भूकम्प पीडितहरुका लागि ५० लाख रुपैयां दिने प्रतिवद्धता व्यक्त गरेका छन् । एभरेष्ट लाउञ्जका प्रोप्राइटर भट्टराईले आफ्नो रेष्टुरेन्टमा च्यारिटी गरि उक्त रकम नेपाल पठाउन लागेका हुन् । आगामी बुधवार आफ्नो मुख्य ब्रान्च ह्यारोमा एक च्यारिटी डिनर हुनेछ भने मंगलबार एकैदिन अरु चारवटा शाखामा च्यारिटी डिनर राखिएको छ ।

बेलायतमा एभरेष्ट लाउञ्जका पांच शाखा छन् ।

‘च्यारिटीबाट जति रकम उठेपनि म ५० लाख पुर्याएर नेपाल पठाउनेछु’, भट्टराईले भने, ‘यस्तो विपत्तिमा हाम्रो सानो सहयोगले ठूलो अर्थ राख्न सक्छ ।’

सन् १९९८ मा बेलायत आएका चितवन निवासी भट्टराई अहिले सफल व्यवसायी मानिन्छन् ।