जिब्रो ठूलो भएका बसन्तको उपचारमा फ्रिम्ली पार्क अस्पतालका नेपालीको सहयोग

लण्डन । अस्वाभाविक ठूलो जिब्रो भएपछि उपचारको खोजीमा भौँतारिरहेका बालक बसन्त सिँजालीमगर तथा मुटुरोगबाट पीडित उनका भाइ समीर सिँजालीको उपचारका लागि युकेको फ्रिम्ली पार्क अस्पतालमा कार्यरत नेपालीहरुले सहयोग गरेका छन् ।

अस्पतालमा कार्यरत नेपालीहरुको समूह सेन्टर नेप्लिज टीमले सो अस्पतालमा कार्यरत नेपाली तथा गैरनेपाली अनि बेलायतमा बसोबासरत अन्य नेपालीहरुसित सहयोग संकलन गरेको थियो । सो सहयोग हालै काठमाडौंमा बसन्त र समीरका अामाबाबुलाई स‌ंकलित सहयोग १ लाख १४ हजार ६०० रुपियाँ हस्तान्तरण गरिएको छ ।

दाङ स्थायी घर भएका बसन्त र समीरका अामाबाबु अहिले छोराहरुको उपचारका लागि काठमाडौँमा छन् । उनीहरुको उपचारमा सरकारले वास्ता नगरे पनि दयालुहरुले हङकङ काेरिया लगायतका मुलुकबाट सहयोग पठाएका छन् ।