बुधबार, मंसिर १० २०७७ | Wed, November 25, 2020
नेपालको समय: १३:५३ | UK Time: 08:08

महिला राष्ट्रिय क्रिकेटको उपाधि एपिएफले जित्यो

वीनेपाली
२०७१ फागुन ९ गते १९:३९

काठमाडौँ। राष्ट्रिय खेलाडीहरु संलग्न रहेको सशस्त्र प्रहरीको एपिएफ क्बलले महिला राष्ट्रिय क्रिकेट प्रतियोगिताको उपाधि जोगाएको छ।त्रिभुवन विश्वविद्यालयको क्रिकेट मैदानमा भएको खेलमा क्षेत्र नं ७ जनकपुरलाई सात विकेटले हराउँदै एपिएफ क्लबले उपाधि जितेको हो।apf-cricket

फाइनल खेलमा टस जितेर ब्याटिङ गरेको जनकपुरले निर्धारित ४० ओभरमा सबै विकेट गुमाउँदै ९८ रन मात्रै बनाउन सक्यो।

जवाफी ब्याटिङमा आएको एपिएफले ९३ बल बाँकी छदै तीन विकेट गुमाएर खेल जित्यो।

एपिएफलाई जित दिलाउनका लागि बलरको भूमिका विशेष रह्यो। प्लेयर अफ दि म्याच घोषित नीरा राजोपाध्यायले पाँच विकेट लिइन। त्यस्तै रुविना क्षेत्रीले दुई, ऋतु कनोजिया, विनु बुढामगर, सीता रानामगरले एक/एक विकेट लिए।

जनकपुरकी अनुराधा चौधरीले २८, ममता चौधरीले २० र रोजी कदारीले १२ रन बनाउनबाहेक अन्य ब्याट्सम्यानले दोहोरो अङ्कको रन समेत बनाउन सकेनन्।

प्रतिउत्तर ब्याटिङ गर्दै एपिएफका लागि ज्योति पाण्डेले नटआउट ३१, सरिता मगरले १४, सीताले १०,नीराले नट आउट सात तथा मधु थापाले छ रन जोडेका थिए।

अनुराधाले दुई र सन्तोषी चौधरीले एक–एक विकेट मात्र लिएका थिए।

उपाधि विजेता एपिएफले ट्रफीसहित ५० हजार रुपैया, उपविजेता जनकपुरले ट्रफीसहित ३० हजार रुपैया जित्यो। क्षेत्र नं ५ नेपालगन्जकी सन्जु चौधरी सर्वोकृष्ट हुँदै १० हजार रुपैया प्राप्त गरिन।

त्यसैगरी उत्कृष्ट ब्याट्सम्यान क्षेत्र नं १ विराटनगरकी सङ्गीता राई र बलर उपविजेता जनकपुरकी शान्ति चौधरीले पाँच–पाँच हजार पाए भने उदयीमान खेलाडीको उपाधि पनि सङ्गीताले प्राप्त गरिन्।

प्रतिक्रिया

सम्बन्धित सामाग्री

फेसबुक