काठमाडौं। विराटनगरमा जारी विराट गोल्ड कप फुटबल प्रतियोगितामा नेपाली सेनाको त्रिभुवन आर्मी क्लव फाइनलमा पुगेको छ ।
फाइल फोटो
बिराटनगरको शहीद रंगशालामा भएको फाइनल खेलमा मनाङ मर्स्याङ्दी क्लवलाई टाईब्रेकरमा ४–२ ले पराजित गर्दै त्रिभुवन आर्मी क्लव फाइनलमा पुगेको हो। खेल सुरु भएको पाँचौं मिनेटमा लियोनेस डोडोजले पहिलो गोल गरी मनाङ मस्र्याङ्दीलाई अग्रता दिलाएका थिए । तर, मध्यान्तरपछिको ३० औं मिनेटमा आर्मीका नवयुग श्रेष्ठले गोल गरी खेल बरावरीमा ल्याउन सफल भए ।
निर्धारित समयमा खेल बराबरी भएपछि अतिरिक्त समय थपिएको थियो । सो अतिरिक्त समयमा पनि कुनै गोल हुन नसकेपछि टाइब्रेकरबाट आर्मी फाइनलमा पुगेको हो ।
सेमीफाइनलमा पराजित भएपनि मनाङले एक लाख रुपैयाको पुरस्कार पाएको छ। पहिलो पटक विराट गोल्डकपमा पहिलो चरणमा हार्नेलाई तीस हजार रुपैया र दोस्रो चरणमा हार्नेलाई एक लाख रुपैया पुरस्कारको व्यवस्था छ। फाइनल त्रिभुवन आर्मी क्लव र झापा–११ बीच शनिबार सहिद मैदानमै फाइनल खेल हुनेछ। झापा थ्रिस्टार क्लबलाई पराजित गर्दै फाइनलमा पुगेको हो।
