पोखरा आसपासमा भूकम्पको धक्का

काठमाडौं। पोखरा आसपासमा शनिबार साँझ पौने आठ बजे भूकम्पको धक्का महसूस गरिएको छ।

नेपालको राष्ट्रिय भूकम्प मापन केन्द्रले ५.५ भूकम्प गएको जनाएको छ। भूकम्प गएको स्थान पोखराबाट पश्चिम कास्की, पर्वत र म्याग्दीको सीमा रहेको घोरेपानी आपसास भएको बताइएको छ ।

विश्वभरका भूकम्पका धक्काहरुको रेकर्ड राख्ने अमेरिकी भूगर्भ संस्थाको वेबसाइटमा पोखराबाट छ किलोमिटर दूरीमा केन्द्रबिन्दू बनाएर ४.८ म्याग्निच्युडको भूकम्प गएको उल्लेख गरिएको छ।

पोखराका बासिन्दाले सामाजिक सञ्जालमा भूकम्पका कारण घर र जमिन हल्लिएको धेरैले महसूस गरेका बताएका छन्। भूकम्पले जनधनको क्षति भए नभएको बारे यो समाचार तयार पार्दासम्म कुनै जानकारी आइसकेको छैन् ।