डिभिजन टु: दोस्रो पटक केन्यासँग हार्दै नेपाल चौथो

काठमाडौं। दुई दिनभित्र दोस्रो पटक केन्यासँग पराजित भएपछि नेपाल आइसिसी डिभिजन टु लिग क्रिकेट प्रतियोगितामा चौथो भएको छ। नामिबियामा शनिबार तेस्रो स्थानका लागि भएको प्ले अफको खेलमा केन्यासँग नेपाल १५ रनले पराजित भएको हो। शुक्रबार केन्यासँग ५ विकेटले पराजित हुँदा नेपाल डिभिजन वानमा उक्लन असफल भएको थियो।Binod Bhandari

टस हारेर ब्याटिङ गरेको केन्याले निर्धारित ५० ओभरमा ९ विकेट गुमाउँदै २ सय ८ रन बनाएको थियो। केन्याका लागि नेल्सन मन्डेला ओढिअम्बोले ४८ र नरेन्द्र पटेलले ४४ रन बनाएका थिए। नेपालका लागि सोमपाल कामीले तीन, सागर पुनले २ र शक्ति गौचन र भुवन कार्कीले १-१ विकेट लिएका थिए।

प्रतिउत्तर व्याटिङ गरेको नेपाल ४७ ओभरमा १ सय ९३ रनमा अल आउट भयो। नेपालका लागि बिनोद भण्डारीले ७३ रनको योगदान गरे । भण्डारीले चौथो विकेटका लागि ज्ञानेन्द्र मल्लसँग १ सय ७ रनको साझेदारी गर्दै जीतका लागि आधार तयार पारेका थिए। मल्लले ४८ रन बनाए। तर, पुच्छारका ब्याट्सम्यानले खेल जिताउन सकेनन्। भेषवाकरले २४ रनको योगदान गरे।

प्रतियोगिताको उपाधि भने नेदरल्यान्डले जितेको छ। नामिबियालाई ८ विकेटले पराजित गर्दै नेदरल्यान्डले उपाधि जितेको हो। नेपालका कप्तान पारस खड्का प्रतियोगिताको उत्कृष्ट खेलाडी  भएका छन्।

प्रतिक्रिया

सम्बन्धित सामाग्री