बिहीबार, असोज १५ २०७७ | Thu, October 01, 2020
नेपालको समय: ०९:१५ | UK Time: 04:30

नेपालद्वारा साउदी अरब १ सय ९५ रनले पराजित

वीनेपाली
२०७१ कार्तिक २३ गते १७:५६

काठमाडौं। कुवेतमा शुरु भएको आइसिसी अन्डर-१९ प्रिमियर ट्रफी अन्तर्गत आइतबार भएको खेलमा नेपालले साउदी अरबलाई १ सय ९५ रनको विशाल अन्तरले पराजित गरेको छ।

ट्रफीका साथ सहभागी देशका कप्तानहरु। तस्विर :  एसिसी

ट्रफीका साथ सहभागी देशका कप्तानहरु। तस्विर : एसिसी

कुवेत सिटीको सुलेबिया ग्राउन्डमा टस हारेर ब्याटिङ गर्न आएका शंकर रानाको ८९ रनको मद्दतले ३ सय २१ रनको विशाल स्कोर बनाउन सक्यो। ८२ बल खेलेका रानाले ११ चौका र २ छक्का प्रहार गरे। निर्धारित ५० ओभरको खेलमा एक बल खेल बाँकी छँदा नेपालले ३ सय २१ रन बनाएको थियो।

कप्तान राजु रिजालसँग मिलेर रानाले तेस्रो विकेटका लागि १ सय ४९ को साझेदारी गरेका थिए। रिजालले ५३ बल खेल्दै २ चौका प्रहार गरी ४९ रन बनाएका थिए।

नेपालका लागि आरिफ शेखले २६ बलमा ३३, दीपेन्दसिंह ऐरीले ३२ बलमा ४२ र सौरव खनालले १५ बलमा २३ रन बनाएर नेपाललाई ठूलो स्कोर बनाउन सघाएका थिए।

ओपनिङ ब्याट्सम्यान सुनिल धमला २६ र प्रेम तामाङ र योगेन्द्रसिंह कार्कीले १०-१० रन बनाएका थिए। ३ सय २२ रनको लक्ष्य पछ्याउँदै प्रतिउत्तर ब्याटिङ गर्न आएको ३७ ओभर ५ बल अलआउट भएको साउदी अरबले १ सय २६ रन मात्रै जोड सक्यो। नेपालका लागि सुशील कँडेलले ३, दीपेश श्रेष्ठ र सुनील धमलाले २-२ र प्रेम तामाङले एक विकेट लिए।जीतसँगै प्रतियोगितामा नेपाल दोस्रो स्थानमा छ । समान २ अंक भएपनि अफगानिस्तान नेट रन रेटमा नेपालभन्दा अघि छ।

सोमबार नेपाल र आयोजक कुवेतबीच खेल हुनेछ।

प्रतिक्रिया

सम्बन्धित सामाग्री

फेसबुक