तेह्रथुम समाज युकेको अध्यक्षमा तेयुङ

tehrathum_samaj_UK

लण्डन । तेह्रथुम समाज युकेको अध्यक्षमा छत्र तेयुङ निर्वाचित भएका छन ।

समाजको शनिबार आसफोर्डमा सम्पन्न साधारण सभाले उनलाई अध्यक्षमा निर्वाचित गरेको हो ।

समाजको उपाध्यक्षत्रयमा दलनारायण खापुङ,  तिलबिक्रम सम्बाहाङ्फे र श्रीमती मोहन हुक्पा चोङबाङ, सचिबमा डम्मर सिङ्गक, सह-सहिबमा डम्बर खापुङ, कोषाध्यक्षमा मोहन सोदेम्बा, सह-कोषाध्यक्षमा जमिन थाङदेन र श्रीमती पञ्चकुमारी हुक्पा चोङ्बाङ निर्वाचित भएका छन् ।

यस्तै सन्चार प्रमुखमा  सुरेन्द्र इङ्नाम, सहायक संचार प्रमुखमा लोक लुम्भुङ्वा, साँस्कृतिक प्रमुखमा निशा गुरुङ, सह- साँस्कृतिक प्रमुखमा ओम मगुराती र श्रीमती सानु सुब्बा चुनिएका छन् ।

समाजका अध्यक्ष समाजसेवी लोक गुरुङको सभापतित्वमा भएको सो कार्यक्रममा उपाध्यक्ष टङ्क मगरले अधिवेशनमा आएका जिल्लावासीहरुलाई स्वागत मन्तब्य दिएर कार्यक्रमलाई औपचारिक रुपमा शुरु गरेका थिए ।

सस्थाको विधान अनुसार  कार्यसमितिको  कार्यकाल २ वर्षको रहने छ ।

कार्यक्रममा नयाँ कार्य समितिका क्रमश अध्यक्ष छत्र तेयङ, उपाध्यक्षहरु दलनारायण खापुङ, तिलबिक्रम सम्बाहाङ्फे,  श्रीमती मोहन हुक्पा चोङबाङ, सचिब डम्मर सिङ्गक, सहसचिव डम्बर खापुङ, कोषाध्यक्ष मोहन सोदेम्बा, सह-कोषाध्यक्ष जमिन थाङदेनले आ-आफ्नो ठाउँमा रहेर जिल्वासीहरुको हकहितको कार्यहरु समाजको विधान अनुरुप पालना गर्दै जाने प्रतिवद्दता जाहेर गरे ।

कार्यक्रमका सभापति  गुरुङले नयाँ कार्यसमितिका पदाधिकारीहरुलाई शुभकामना साथै कार्य सफलताको कामना दिँदै उपस्थित सबैलाई उपस्थित भई कार्यक्रम सफल पारिदिनु भएकोमा हार्दिक धन्यवाद साथै कृतज्ञता प्रकट गरे ।

समाजको नयाँ कार्यसमिति चयन को लागी  समाजका पूर्व अध्यक्ष समाजसेवी चित्राज हुक्पा चेम्जोङ र पूर्व-सचिव भिमराज तुम्बाहाङ्फेलाई निर्वाचन अधिकृत तोकिएको थियो ।

 

प्रतिक्रिया

सम्बन्धित सामाग्री