यस्ता छन् नर्सिङ हांक्ने नयां अनुहार

लन्डन । नेपलिज नर्सिङ एसोसिएसन यूकेको १४ सेप्टेम्बर लन्डनमा सम्पन्न तेश्रो साधारणसभाले सुशीला कार्कीको अध्यक्षतामा सर्वसम्मत नयां कार्यसमिति चयन गरेको छ । कार्की यसअघि उपाध्यक्ष थिइन् ।
त्यस्तै उपाध्यक्षमा प्रसुना कंडेल, महासचिवमा विनोदविकास सिम्खडा, सचिवमा सुनिता गौतम, कोषाध्यक्षमा रश्मिता दर्लामी चयन भएका छन् । सदस्यहरुमा उर्मिला श्रेष्ठ, यमुना घले, हिरा श्रेष्ठ, गायत्री श्रेष्ठ, गंगा सामपाङ र कल्पना बुढाथोकी छन् ।
प्रमुख निर्वाचन आयुक्त टिका स्याण्डवेलले नयां पदाधिकारीहरुलाई शपथ ग्रहण गराएकी थिइन् । नयां कार्यसमितिको कार्यकाल दुई वर्ष हुनेछ । निर्वाचन समितिमा कृष्ण भट्ट र कृष्ण तिवारी निर्वाचन आयुक्त थिए ।
बेलायतका सामाजिक तथा पेशागत संघसंगठनमा जिम्मेवारी बांडफांडमा देखिइरहेको किचलोबीच नर्सिङ एसोसिएसनले भने सर्वसम्मत नेतृत्व चयन गरेर सकारात्मक सन्देश दिएको छ । एसोसिएसनकी पूर्व अध्यक्ष 
एवं सल्लाहकार अजिता सिम्खडाले एसोसिएसन भावी दिनमा समेत एकजुट भएर सामाजिक काममा लाग्ने जनाइन् ।
बासु लामिछानेको अध्यक्षतामा सम्पन्न साधारणसभाले विधान संशोधन, आयव्यय तथा वार्षिक प्रतिवेदन समेत पारित गरेको छ ।
साधारणसभापछि एसोसिएसनले मुगुमा बर्थिङ सेन्टर बनाउने प्रतिवद्धता व्यक्त गरेको छ भने आफ्ना सदस्यहरुको नेपाल नर्सिङ काउन्सिलको सदस्यता नवीकरणमा समन्वयकारी भूमिका निर्वाह गर्ने भएको छ । सदस्यता विस्तार, बेलायतस्थित संघसंस्थाहरुबीच सुमधुर सम्वन्ध स्थापना लगायत मुद्दा पनि प्राथमिकतामा छन् ।