मंगलबार, कार्तिक ११ २०७७ | Tue, October 27, 2020
नेपालको समय: ०८:५५ | UK Time: 03:10

पत्रकार घिमिरे र मानवअधिकारकर्मी उपाध्याय रिहा, परिवारमा खुशी

वीनेपाली
२०७१ भदौ २४ गते ७:४९

K-G-front-new
कतारमा कार्यरत नेपाली श्रमिकका बारेमा अनुसन्धान एवं बृत्तचित्र बनाउन बेलायतबाट कतार गएका दुई नेपाली पत्रकार गुणदेव घिमिरे र मानव अधिकारकर्मी कृष्ण उपाध्याय कतारी जेलबाट सकुशल रिहा भएका छन् । गिरफ्तार भएको ९ दिनपछि उनीहरु रिहा भएका हुन् । गएराती आफूहरु  जेल मुक्त भएको खबर उपाध्यायले फेसबुक मार्फत सार्बजनिक गरेका हुन् ।

उपाध्यायकी जीवनसंगिनी सरिता पौडेलले आफ्नो फेसबुक पेजमा पति उपाध्याय सकुशल रिहा भएको जानकारी दिएकी छिन् । पौडेलले सोमबार मध्यरात उपाध्यायको मुक्त भयौं भन्ने खवरसहित फोन आएको वीनेपालीलाई  पुष्टि गरिन् । उनले आउने दिन भने तय भइ नसकेको जनाइन् । साथै पौडेलले रिहाइको लागि पहल गर्ने सबैलाई धन्यवाद समेत दिएकी छिन् ।

जेल मुक्त गर्न कतार सरकारलाई बेलायती सरकारले दवाव दिदै आएको थियो । कतार सरकारले कतारी नियम कानुन उलंघन गरेको आरोपमा पक्राउ गरेको पुष्टि गरेको थियो । दुवैका परिवारले घिमिरे र उपाध्यायसुरक्षित बेलायत फिर्ता हुनेमा समेत विश्वास व्यक्त गरेका थिए । उनीहरुले बेलायत फिर्ता नआएसम्म बेलायतस्थित कतारी दूतावासलाई दवाव दिन प्रदर्शनलाई जारी राखेका थिए ।

नेपाल पत्रकार महासंघ बेलायत शाखा, गैर आवासीय नेपाली संघ बेलायत, प्रवासी नेपाली मञ्च र दुवैका परिवारजनले उपाध्याय र घिमिरे कहाँ, कुन अवस्था छन् तत्काल सार्वजनिक गर्न माग गरेका थिए । ति संस्थाहरुले सकुशल बेलायत फिर्ता गराउन पनि बेलायत सरकार र बेलायतस्थित कतारी दूतावासलाई ध्यानाकर्षण गराएका थिए ।

गत विहीबार नेपाल पत्रकार महासंघ बेलायत शाखाका सदस्यहरु पत्रकार गुणदेव घिमिरेको साउथ इष्टस्थित वुलवीचको घर गएर ऐक्यवद्धता जनाएका थिए । यसअघि नेपाल पत्रकार महासंघ बेलायत शाखाले बेलायतस्थित कतारका राजदूतलाई शाखा सदस्य घिमिरे र मानवअधिकारकर्मी तथा प्रवासी नेपाली मंच बेलायतसँग आवद्ध उपाध्याय कहाँ, कुन अवस्थामा छन् भन्ने बारेमा गम्भिर चासो व्यक्त गर्दै विज्ञप्ती जारी गरेको थियो । पत्रकार महासंघ बेलायतले बेलायतस्थित कतारका राजदूतलाई फ्याक्समार्फत गम्भिर चासो सहितको पत्र पठाएको थियो ।

कतारमा उपाध्याय र घिमिरेलाई प्रहरी जस्ता देखिने सादा पोशाकका व्यक्तिले पछ्याएको उनीहरुले केही दिनअघि पारिवारलाई बताएका थिए । त्यस लगत्तै सादा पोशाकका प्रहरीले पक्राउ गरि हिरासतमा राखिएको अनुमान गरिएको थियो । सो सम्बन्धी सामाचार बेलायती अखवारले द इन्डिपेडेन्टले प्रकाशित गरेको थियो ।
कतारस्थित ग्रयाण्ड हायात होटलमा बसेका उपाध्याय र घिमिरे २७ अगष्टमा दोहा गएका थिए । उपाध्याय अघिल्लो आइतवार नर्वे फर्कने तयारीमा थिए भने घिमिरे लन्डन फर्कदै थिए । उनीहरु नर्वेजियन च्यारिटी संस्था द ग्लोवल नेटवर्क फर राइटस् एण्ड डेभलपमेन्ट (जिएनआरडी) का तर्फबाट सन् २०२२ को फिफा वल्ड कपका लागि काम गरिरहेका नेपाली कामदारहरुको स्थितिलगायतका विषयमा बृत्तचित्र बनाउन कतार पुगेका थिए । उनीहरु दुवैसँग बेलायती राहदानी छ ।

10656249_10152342771902951_1030887484_n

 

प्रतिक्रिया

सम्बन्धित सामाग्री

फेसबुक