मंगलबार, कार्तिक ११ २०७७ | Tue, October 27, 2020
नेपालको समय: ०९:३६ | UK Time: 03:51

बेलायतवासी चार्टर्ट एकाउन्टेन्ट ओझाले स्थापना गरे छात्रवृत्ति

वीनेपाली
२०७१ भदौ २२ गते १४:३३

10302020_1625213311037371_2098542065394069365_n

लन्डन । बेलायतमा कार्यरत चार्टर्ड एकाउन्टेन्ट शैलेश ओझा (एसीसीए, एफसीसीए) ले आफू एसएलसीसम्म पढेको स्कुलका लागि छात्रवृत्ति स्थापना गरिदिएका 
छन् । साउथ योर्कसायरस्थित डंककाष्टर बस्ने ओझाले जनता मा.वि. 
इटहरी सुनसरी १ बाट एसएलसी उत्तिर्ण एक एक जेहेन्दार छात्र र छात्रालाई प्लस टु अध्ययन गर्न लाग्ने सम्पूर्ण खर्च तिर्ने संकल्पसहित केदारनाथ कमला ओझा छात्रवृत्ति स्थापना गरेका हुन् । ओझाले ति विद्यार्थीका लागि किताव र अन्य स्टेशनरी सामान किन्दा लाग्ने खर्च समेत व्यहोरिदिने जनाएका छन् । यसै शैक्षिक सत्र देखि छात्रवृत्ति शुरु हुने जनाउंदै ओझाले विद्यालयको सिफारिसमा विद्यार्थी छनोट हुने प्रष्ट्याए ।

सन् २००१ देखि इंग्ल्याण्डमा सिए प्राक्टिस गर्दै आएका ओझाले एजुकेशन यूके नेपाल नामक संस्था छिट्टै च्यारिटीमा दर्ता गरि शैक्षिक विकासमा योगदान दिने प्रतिवद्धता समेत व्यक्त गरेका छन् ।
उक्त च्यारिटी दर्ता गरेर श्री जनता माध्यमिक विद्यालय इटहरीका लागि शैक्षिक 
प्रोजेक्ट जस्तै कम्प्युटर, विज्ञान प्रयोगशालाका लागि आवश्यक सामाग्री, पुस्तकालय, खेल सामाग्री आदिमा सघाउने उनको लक्ष्य छ । हाल प्रवासमा रहेका त्यस स्कुलका भूतपूर्व विद्यार्थीहरुले च्यारिटी संस्थाका लागि सहयोग गर्ने अपेक्षा ओझाको छ ।

प्रतिक्रिया

सम्बन्धित सामाग्री

फेसबुक