बिहीबार, असोज १५ २०७७ | Thu, October 01, 2020
नेपालको समय: ०४:४१ | UK Time: 23:56

“झोले” को लण्डन शो हाउसफूल

वीनेपाली
२०७१ भदौ ९ गते २३:३२

10585038_868224563188491_363585806_o

लन्डन । नेपालमा करोड क्लव प्रवेश गर्न सफल डार्क कमेडी चलचित्र “झोले” यसै साता लण्डनस्थित वुलवीच ग्राण्ड थिएटरमा हाउसफूलसहित प्रदर्शन गरिएको छ । “झोले” लाई लण्डनमा के. के. मुभिज् प्रोडक्स्नले कपिलवस्तु समाजको सहकार्यमा प्रदर्शन गरेको हो ।
दीपेन्द्र के. खनाल निर्देशित “झोले” मा दयाहाङ्ग राई, प्रियंका कार्की शीर्ष भूमिकामा छन् । यसै चलचित्रबाट दयाहाङ्ग राई र प्रियंका कार्कीले पपुलर नायक नायिकाको अवार्ड पाएका थिए ।

“झोले” नेपालबाट निर्देशक, चलचित्र सेन्सर बोर्डका सदस्य तथा दर्शना आर्ट्सका सिइओ सुरेश दर्पण पोखरेलले बेलायत ल्याएका हुन् । चलचित्र प्रदर्शन अगाडि मनिष श्रेष्ठले संचालन गरेको औपचारिक कार्यक्रममा कपिलवस्तु समाजका अध्यक्ष दीपक श्रेष्ठ र एन्. आर्. एन्. ए. आइसीसी सदस्य तथा समाजसेवी विनोद ज्ञवालीले फूल र खादाले संयुक्त रुपमा निर्देशक पोखरेललाई सम्मान गरेका थिए । सोही अवसरमा कपिलवस्तु समाजका महासचिव हरिश ज्ञवालीले संस्था र भावी योजनाबारे प्रकाश पारेका थिए ।
चलचित्र प्रदर्शनीमा विशेष गरी श्री ५ वीरेन्द्र फुटबल क्लब यूके, विकेश बस्नेत, रमा लामिछाने, कृष्ण सुवेदी, दिपक गुरुङ लगायतले सहयोग गरेका थिए भने मिडियातर्फ
यूरोपको नेपालीपत्र थियो । चलचित्र “झोले” लण्डनका अन्य विभिन्न शहरमा प्रर्दशन गरिने भएको छ ।

यसैबीच के. के. मुभिज प्रोडक्सन र मुभी क्लबको संयुक्त आयोजनामा यही १४ सेप्टेम्बर लोटस क्लब वुलवीचमा यस वर्ष सर्वाधिक व्यापार गर्न सफल चलचित्र “नाई नभन्नु ल २” प्रदर्शन गरिने भएको छ ।

 

 

प्रतिक्रिया

सम्बन्धित सामाग्री

फेसबुक