होशियार गहना चोरसित

लण्डन । नेपालीहरुको अधिक बसोबास भएको फार्नब्रो–अल्डरसट क्षेत्रमा गहना चोरीको घटना बढ्दै गएको छ ।
स्थानीय प्रहरीका अनुसार यसै अप्रिल महिनामा मात्र गहना चोर्नलाई लक्षीत गरी भएका सातवटा घटना प्रहरीकहाँ दर्ता भएका छन् ।
फार्नब्रो सेफर नेबरहुड टिमका कम्युनिटी सपोर्ट प्रहरी अफिसर गोर्डन पेङ्गलीले स्थानीय नेपाली समुदायलाई पठाएको सचेतना इमेलमा उल्लेख भएअनुसार अप्रिल ८ तारिख मंगलबार अपराह्न ४ बजे इडी रोड अल्डरसटको एक घरमा एक व्यक्ति पस्छ र आपूmलाई खानेपानीबाट आएको बताउँछ । ऊ आपूm पाइप चेक गर्न लागेको अभिनय गर्छ भने ऊसितका अरु चार जनाले घरको खानतलासी गर्छन् । उनीहरुले नगद चोर्दै गरेको घरकै एक व्यक्तिले देखेपछि उनीहरुलाई लखेटिएको थियो ।
सोही दिन फार्नब्रोस्थित म्यारोब्रुक रोडको एक घरबाट घडी र मोबाइल फोन चोरी हुन्छ । उसैदिन अल्डरसटको ब्रिचेट रोडको एक घरमा ढोका ढकढक गरिन्छ । ढोका खोलेर हेर्दा बाक्लो ज्याकेट र पञ्जा लगाएका एक शंकास्पद व्यक्ति आपूmले मार्क नामक व्यक्तिलाई खोजेको बताउँछ । त्यस्तो नाम भएको व्यक्ति नभएको बताइएपछि ऊ फक्र्यो ।
अप्रिल ९ तारिखका दिन साँझ साढे ७ बजेतिर अल्डरसटको रिभिज रोडको एक घरमा पछाडिपट्टिको ढोका कसैले ढकढक गर्छ तर घरमुलीले गाली गरेपछि उनीहरु फर्किए ।
अप्रिल २२ तारिखएको दिन अल्डरसटको सान कार्लोस आप्रोचको एक घरबाट साँझ ५ बजेदेखि ७ बजेको बीचमा १० हजार पाउण्ड बराबरको गहना चोरियो ।
उसैदिन फार्नब्रोस्थित हिन्टोक क्लोजको एक घरमा साँझ ७.२० बजेतिर कसैले ढोका ढक ढक गर्छ । घरधनीले ढोका खोलेपछि उसले आपूmले पिट नामक व्यक्ति खोजेको बताउँछ । उसको क्रियाकलाप शंकास्पद लागेपछि घरधनीले चुनौती दिँदा ऊ भागेर खैरो रंगको कार चढेर भाग्छ ।
त्यही दिन फार्नब्रोकै म्यारोब्रुक लेनको एक घरमा पछाडिपट्टिको बारबाट एक व्यक्तिले चियोचर्चो गरिरहेको छिमेकी देखेपछि सोधपुछ गर्न थाल्दा सो व्यक्ति खैरो रंगको बीएमडब्ल्यु कार चढेर टाप कस्छ ।
प्रहरीहरुले चोरीको घटनाका शंकास्पद व्यक्तिहरुमाथि अनुसन्धान गरिरहेको बताएका छन् ।
अल्डरसट प्रहरी चौकीका डिटेक्टिभ कन्स्टेबल रोब मुर भन्छन्, “हामीलाई विश्वास छ कि उनीहरु मूल्यवानका गहना भएका घरलाई लक्ष गरिरहेका छन् । जसमा प्रायजसो एसियन परिवार पर्छन् ।”
प्रहरीका अनुसार चोरहरुले दुई तरिका अपनाउने गरेका छन् । पहिलो आपूmलाई बिजुली, पानी, ग्याँस आदिको प्रतिनिधि बताउने र सजिलैसित घरभित्र घुस्ने । अर्को तरिका, ढोका ढक ढक गर्ने अनि बलप्रयोग गरेर घरभित्र पस्न ठिक छ छैन जाँच्ने ।
प्रहरीले शंकास्पद गतिविधि देखिएमा तुरुन्त ९९९ मा फोन गर्न अपील गरेको छ ।
आपूmसित भएका गहनाहरु सुरक्षित र बीमा गरेर राख्ने अथवा बैँकमा जम्मा गर्ने, घरको सुरक्षा व्यवस्था राम्रो बनाउने, कतै सुरक्षामा कमीकमजोरी छ भने सुधार्ने, घरका झ्यालहरु खुल्ला नराख्ने, आपूm नभए पनि घरमा बत्ती बालेर राख्ने, घरमा अलार्म राखिएको छ भने बाहिर निस्कँदा वा राति अलार्म चलाउने, देखिने गरी गहना नराख्ने, गहनाको फोटो खिचि राख्ने (ताकि पछि फेला परिहालेमा दाबी गर्न सकियोस्) सुझाव प्रहरीले दिएको छ ।