शिव कल्चरल सेन्टरबाट भूकम्प पीडितलाई ५ हजार पाउण्ड सहयोग

लण्डन । शिव कल्चरल एण्ड कम्युनिटी सेन्टरले युकेले नेपालका भूकम्प पीडितहरुका लागि ५ हजार पाउण्ड सहयोग गरेको छ ।

सेन्टरले संकलन गरेको ५ हजार १०१ पाउण्ड बुधवार सेन्टरका तर्फबाट नेपाली दूताबास लण्डनमा हस्तान्तरण गरिएको छ ।

सहयोग हस्तान्तरणका क्रममा बेलायतका लागि कार्यवहाक नेपाली राजदूत तेजबहादुर क्षेत्री, तृतीय सचिव सूर्यबहादुर थापा र मिलिटिरी एटैची प्रदीपजंग थापा तथा समूहका उपाध्यक्ष सुनित जैन, संस्थापक सचिव अनुप बर्मा, प्रवक्ता जीव बेल्बासे र सांस्कृतिक सचिव विक्रम भट्टराई लगायतको उपस्थिति थियो ।

यसैबीच, उक्त अवसरमा समाजसेवी चिकित्सक डा. राघवप्रसाद धिताल (ओविइ) ले बेग्लै दुई हजार पाउण्डको चेक कार्यवहाक राजदूत क्षेत्रीलाई प्रदान गरेका छन् ।