बेलायती संसदमा अश्लील सामग्री हेर्ने सांसद निलम्बित

लण्डन । बेलायती संसदभित्र अश्लील सामग्री हेरेको आरोप लागेका सांसदको नाम सार्वजनिक भएको छ ।
सत्तारुढ कञ्जरभेटिभ पार्टीका तर्फबाट टिभरटन एण्ड हनीटन निर्वाचन क्षेत्रका सांसद रहेका ६५ वर्षीय निल पेरिसलाई पदबाट निलम्बन गरिएको छ भने उनीमाथि लागेको आरोपका बारेमा संसदीय मर्यादा आयुक्तले छानविन शुरु गरेका छन् ।
उनीमाथि उनकै पार्टीका दुई जना सांसदले अश्लील सामग्री हेरेको आरोप गतसाता लगाएका थिए ।
उनले बीबीसीसित प्रतिक्रिया दिँदा आफूले अनुसन्धानलाई सघाउने बताएका छन् । उनलाई संसदबाट निलम्बन गरिए पनि संसदीय समितिमा भाग लिन भने नरोकिएको बताइएको छ ।
विपक्षी दलका सांसदहरुले सांसद पेरिसलाई राजिनामा दिन सुझाव दिएका छन् ।
विवाहित उनका, दुई सन्तान र दुई नातिनातिनासमेत छन् ।
बेलायती संसदमा यौन दुब्र्यबहारसम्बन्धमा पछिल्ला साताहरुमा धेरै चर्चा उठेका छन् । सरकारकामा मन्त्री रहेका, छायाँ सरकारमा मन्त्री रहेकासहित करिब ५० भन्दा बढी सांसदहरुमाथि यौन दुब्र्यबहारको आरोप लागेको छ ।