सगरमाथामा फहरायो गोर्खा सत्याग्रहको झण्डा

लन्डन । भूपू गोर्खाको हक अधिकारका लागि लामो समयदेखि आन्दोलनरत ‘गोर्खा सत्याग्रह संयुक्त संघर्ष समिति’ ले आफ्नो झण्डा सगरमाथा शिखरमा पुरयाएको छ । गोर्खाली छोरा पांचथर निवासी सुशील शेर्मा लिम्बुले हालै सत्याग्रहको झण्डा सगरमाथा चुचुरोमा पुरयाएका हुन् ।

बेलायत नेपाल सम्वन्धको दुई सय वर्ष पुगेको उपलक्ष्यमा झण्डा सगरमाथामा फहराइएको सत्याग्रह समितिका सह संयोजक सूर्य नेम्वाङले जनाए ।

‘यसले गोर्खाहरुको साहसको पनि प्रतिनिधित्व गर्छ’, नेम्वाङले भने, ‘अर्को गोर्खा संगठन गेसोले झण्डा लैजाने निर्णय गरेपछि हामीले पनि त्यसलाई अनुशरण गर्यौं ।’