बाल्टी करिजद्वारा १७ औं वार्षिकोत्सवमा च्यारिटी

लन्डन । फालमाउथस्थित बाल्टी करिज रेष्टुरेन्टले आफ्नो सेवाको १७ औं वसन्त पार गरेको छ । नेपाली सञ्चालक रहेको फालमाउथकै पहिलो उक्त इन्डियन रेष्टुरेन्टले १७ औं वार्षिकोत्सवका अवसरमा एक कोष अभिवृद्धि कार्यक्रम गर्यो ।

फालमाउथ रग्बी टिमको सहयोगार्थ उक्त फन्ड रेजिङ पार्टी गरिएको हो । पार्टीबाट रग्बी खेलाडीको पोशाक खरिद गर्न २१ सय पाउण्ड संकलन भएको छ । उक्त रकम करिब ४५ जना खेलाडीलाई पोशाक किन्न प्रदान गरिने रेष्टुरेन्टले जनाएको छ । उक्त च्यारिटी कार्यक्रम गर्न जेम्स र फालमाउथ रग्बी क्लवका क्याप्टेन आर्थरले उल्लेखनीय भूमिका निर्वाह गरेका थिए । बुकर र कोब्राको पनि सहयोग थियो ।

रेष्टुरेन्टका सञ्चालक हेम कान्तजीले १७ औं वार्षिकोत्सवको सफलतामा 
आफ्ना समस्त ग्राहक, सप्लायर्स, सहयोगी र शुभचिन्तकप्रति आभार व्यक्त गरेका छन् ।

विगत वर्षमा समेत रेष्टुरेन्टले क्रिकेट, फुटबल टिम र स्थानीय च्यारिटी संस्थालाई सहयोग गरेको थियो ।

हिन्दूहरुको महान पर्व दशैंका अवसरमा आयोजित उक्त च्यारिटी कार्यक्रममा टिका, जमरा प्रदान र बलिउड डान्स समेत गरिएको थियो ।