दाहाल र मोदीबीच शिष्टाचार भेटवार्ता

नयाँदिल्ली, ३१ भदौ । भारतको चारदिने राजकीय भ्रमणमा रहनुभएका प्रधानमन्त्री पुष्पकमल दाहाल र भारतीय प्रधानमन्त्री नरेन्द्र मोदीबीच आज शिष्टाचार भेटवार्ता सुरु भएको छ ।

दुवै मुलुकका शीर्ष तहमा हुने द्विपक्षीय उच्चस्तरीय भेटघाटका लागि भारतीय प्रधानमन्त्रीको कार्यालय हैदरावाद हाउस पुग्नुभएका प्रधानमन्त्री दाहाललाई भारतीय प्रधानमन्त्री मोदीले स्वागत गर्नुभएको छ ।

आजै दुईपक्षबीच आपसी सम्बन्ध विस्तार र दुई पक्षीय हितका बारेमा वार्ता र सहमतिपत्रमा हस्ताक्षर तथा संयुक्त पत्रकार सम्मेलन हुने बताइएको छ ।

प्रधानमन्त्री दाहाल आजै भारतका राष्ट्रपति प्रणव मुखर्जीसँग भेटघाट गर्ने कार्यतालिका छ ।