प्रा. डा. सुवेदीको पुस्तक लोकार्पण

लन्डन । अन्तर्राष्ट्रिय कानुनका ज्ञाता प्रा. डा. सूर्यप्रसाद सुवेदीको ‘अन्तर्राष्ट्रिय लगानी कानुन’  नामक पुस्तक विमोचन भएको छ । यूकेस्थित लिड्स विश्व विद्यालयका प्राध्यापक सुवेदीको उक्त पुस्तक काठमाण्डौंमा एक समारोहबीच विमोचन गरिएको हो । नेपाल विश्व सम्वन्ध परिषदले पुस्तक लोकार्पण कार्यक्रम गरेको हो ।

विमोचन कार्यक्रममा बोल्ने अधिकांश वक्ताले भारतीय नाकाबन्दीलाई अन्तर्राष्ट्रियकरण गर्न थुप्रै कानुनी आधार रहेको बताएका थिए ।

सो पुस्तकका लेखक एवम् अन्तर्राष्ट्रिय कानुनका ज्ञाता डा सुवेदीले २०४५ सालमा भारतले गरेको नाकाबन्दीको तुलनामा अहिलेको नाकाबन्दीमा नेपालले आत्मसात् गरेका अन्तर्राष्ट्रिय कानुनका कारण अन्तर्राष्ट्रिय रुपमा आवाज उठाउन अवस्था सहज रहेको अवगत गराए ।