गायिका सिन्धु मल्ल आमाको तीज कार्यक्रममा नआउने

लन्डन । एसियन महिला एसोसिएसन (आमा) को यही ७ सेप्टेम्बरमा हुने तीज कार्यक्रममा गायिका सिन्धु मल्ल उपस्थित नहुने भएकी छिन् ।

गायिका मल्ललाई बेलायतमा झिकाउने संस्था डिएसआइ इन्टरटेनमेन्ट र आमाबीच मल्लको पारिश्रमिकबारे केही असमझदारी भएपछि उनी कार्यक्रममा नआउने भएकी हुन् ।
यसअघि डिएसआइले पारिश्रमिकबारे केही नभनि कार्यक्रममा मल्ल आउने वचन दिएको थियो । तर, पछि ५ सयबाट झरेर तीनसय पाउण्डसम्म पारिश्रमिक दिएमात्र मल्ल कार्यक्रममा आउन सक्ने अडान लिएपछि मल्लको उपस्थिति रद्द भएको आमाले एक विज्ञप्तिमार्फत जनाएको छ ।
विज्ञप्तिमा आमाले कुनै व्यवसायिक संघसंस्था वा आयोजकहरुलाई रकम बांड्नुको सट्टा बरु आफू आपत विपत परेका महिलालाई सहयोग गर्न लालयित भएको  समेत प्रष्ट्याएको छ ।

आमाले गायिका सिन्धु मल्ल नआउने भएपनि पूर्व निर्धारित तीज कार्यक्रम भव्य हुनेमा विश्वस्त दिलाउंदै अप्रत्यासित घट्नाक्रमले कसैमाथि अप्ठेरो पर्न गएमा क्षमा समेत मागेको छ ।