चर्चित गायक तथा अभिनेता प्रशान्त तामाङको निधन

लन्डन । चर्चित गायक तथा अभिनेता प्रशान्त तामाङको निधन भएको छ ।

४२ वर्षीय तामाङको आइतबार ११ जनवरी २०२६ मा दिल्लीमा निधन भएको पारिवारिक स्रोतलाई उद्धृत गर्दै निर्माता राजेश कौशलले जनाएको विभिन्न सञ्चारमाध्यमले लेखेका छन् । तामाङको हृदयघातका कारण निवासमै मृत्यु भएको जनाइएको छ ।

हृदयघात भएर नयाँ दिल्लीको द्वारकास्थित एक अस्पतालमा पुर्‍याउँदा अस्पतालले उनलाई मृत घोषणा गरेको हो ।

प्रशान्त भारतीय मूलका नेपालीभाषी गायक हुनुहुन्छ । तामाङ भारतीय टिभी रियालिटी शो इन्डियन आइडलको तेस्रो संस्करणका विजेता हुनुभएको थियो । उहाँले गोर्खा पल्टन, परदेशीलगायत केही नेपाली चलचित्रमा अभिनय गर्नुका साथै स्वर पनि दिनुभएको थियो । उहाँका असारे महिनामालगायत थुप्रै चर्चित गीत रहेका छन् ।

४ जनवरी १९८३ मा पश्चिम बंगालको दार्जिलिङमा जन्मिएका तामाङले साधारण पृष्ठभूमिबाट राष्ट्रियस्तरको ख्याति हासिल गर्नुभएको थियो ।